ت م د ەلدەرىندەگى مۇعالىمدەردىڭ ايلىعى قانشا؟

استانا. قازاقپارات - وتكەن جىلى 205 مىڭ مۇعالىمنىڭ جالاقىسى 30 پروتسەنتكە كوتەرىلدى، دەپ حابارلايدى «حابار 24». ەڭبەكاقىنىڭ كەزەكتى رەت كوتەرىلۋى قاشان بولماق؟ ت م د ەلدەرىندەگى پەداگوگتاردىڭ ايلىعى قانشا؟

مۇعالىمدەردىڭ جالاقىسى بويىنشا ت م  د اراسىندا بالتىق ەلدەرى كوش باستاپ تۇر. ماسەلەن، ەستونيادا وقىتۋشىلاردىڭ ورتا ايلىق مولشەرى -  1 جارىم مىڭ دوللار. ليتۆا مەن لاتۆيادا شامامەن مىڭ دوللار بولسا، رەسەيدە 512 ا ق ش دوللارى. قازاقستانداعى دەڭگەي ەۋروپالىق كورسەتكىشتەن تومەنىرەك بولعانىمەن، ورتالىق ازيا ەلدەرى اراسىندا جوعارى.

وتاندىق وقىتۋشىلار ورتا ەسەپپەن 311 دوللار نەمەسە 117 مىڭ تەڭگە ەڭبەكاقى الادى. ال 1 قىركۇيەكتەن باستاپ 90 مىڭ قازاقستاندىق مۇعالىمنىڭ جالاقىسى كەزەڭ- كەزەڭىمەن وسىرىلەدى، دەپ جوسپارلانىپ وتىر. سونداي- اق سىنىپقا جەتەكشىلىك ەتۋ مەن داپتەر تەكسەرۋ ءۇشىن تولەنەتىن قوسىمشا اقى دا 3 ەسەلەنەدى.

www.24.kz