08:57, 18 - قاڭتار 2019 | GMT +6
دزيۋدودان قازاقستان قۇراماسى توكيودا جاتتىعادى
استانا. قازاقپارات - دزيۋدودان قازاقستان ۇلتتىق قۇراما كومانداسى جاپونيانىڭ توكيو قالاسىنا حالىقارالىق وقۋ-جاتتىعۋ جيىندارىنا اتتاندى، دەپ حابارلايدى قازاقپارات قازاقستان دزيۋدو فەدەراتسياسىنا سىلتەمە جاساپ.
حالىقارالىق وقۋ-جاتتىعۋ جيىنى 17-28-قاڭتار ارالىعىندا وتكىزىلەدى. جىل سايىن وتەتىن جاتتىعۋ جيىنىنا ءبىزدىڭ قۇراما ساپىندا ع. قىرعىزبايەۆ، ماعجان شامشادين، باۋىرجان ناربايەۆ، ەلدوس جۇماقانوۆ، ەرلان سەرىكجانوۆ، جانساي سماعۇلوۆ، اقىلبەك سەرىك، ديدار حامزا، رۋستام مۇسايەۆ، يسلام بوزبايەۆ، ازيز قالقامان ۇلى، ايبەك سەرىكبايەۆ، ءادىلحان قوزىبايەۆ، ەراسىل قاجىبايەۆ سىندى دزيۋدوشىلار قاتىسادى.