22:56, 17 - قاڭتار 2019 | GMT +6
شايبالى حوككەي: قازاقستاننىڭ قىزدار قۇراماسى الەم چەمپيوناتىنىڭ فينالىنا شىقتى
استانا. قازاقپارات - شايبالى حوككەيدەن جاس ءوسپىرىم قىزدار قۇراماسى 18 جاسقا دەيىنگىلەر اراسىنداعى الەم چەمپيوناتىنىڭ 1- ديۆيزيونىندا كەزەكتى رەت جەڭىسكە جەتتى، دەپ حابارلايدى olympic.kz.
بۇل جولى قازاقستاندىق كوماندا 3:1 ەسەبىمەن قىتايلىق تايپەيدەن باسىم ءتۇستى. قازاقستان ساپىنان توميريس وسپانوۆا، الەكساندرا گولوتۆينا جانە ارۋجان كەڭەسوۆالار مەرگەندىگىمەن تانىلدى.
توپتىق كەزەڭدە تۇركيا مەن اۆستراليانى جەڭگەن قازاقستاندىقتار فينالدا كورەيا كومانداسىمەن كەزدەسەدى.
اقتىق كەزدەسۋ 19- قاڭتار كۇنى استانا ۋاقىتىمەن 01:00-دە باستالماق.