دەنيس تەندى ولتىرگەن قىلمىسكەرلەر قانشا وتەماقتى تولەيدى؟

استانا. قازاقپارات - بۇگىن الماتىدا دەنيس تەننىڭ ىسىنە قاتىستى سوت پروتسەسى اياقتالدى.

سوڭعى سوت وتىرىسىندا سۋديا كۇدىكتىلەرگە قاتىستى ۇكىم شىعارىپ، ولاردىڭ قانداي مولشەردە وتەماقى تولەۋى قاجەت ەكەنىن ايتتى دەپ حابارلايدى NUR. KZ.

«قىلمىستىق كودەكستىڭ 198-بابى 5- تارماعىنا سايكەس جابىرلەنۋشىلەر وتەماقى قورىنا قۇدايبەرگەنوۆ ارمان - 30 ا ە ك (72150 تەڭگە)، قياسوۆ نۇرالى - 30 ا ە ك (72150 تەڭگە)، تولىبايەۆا جاناردان - 20 ا ە ك كولەمىندە ءماجبۇرلى تولەم ءوندىرىلسىن.

ارمان قۇدايبەرگەنوۆ پەن نۇرالى قياسوۆ مەملەكەتكە كەلتىرگەن شىعاندارى ءۇشىن 1 ميلليون 860520 تەنگە، ەكەۋىنەن 930260 تەنگەدەن ءوندىرىلسىن.

سوتتالعان قۇدايبەرگەنوۆتەن جابىرلەنۋشى اتابايەۆتىڭ پايداسىنا 410631 تەڭگە، ال جابىرلەنۋشى شامشيەۆتىڭ پايداسىنا 100 مىڭ تەڭگە ماتەريالدىق شىعىن رەتىندە مەملەكەت پايداسىنا 5160 تەڭگە باج سالىعى ءوندىرىلسىن»، - دەدى سۋديا كەڭشىلىك ابدەلدينوۆ.

ەستەرىڭىزگە سالا كەتسەك، الماتىداعى قىلمىستىق ىستەر بويىنشا ارنايى مامانداندىرىلعان سوتىندا سۋديا كەڭشىلىك ابەلدينوۆ قازاقستاندىق سپورتشىنىڭ ولىمىنە قاتىستى ايىپتالۋشىلارعا سوت ۇكىمىن وقىدى.

سونىمەن قاتار، دەنيس تەننىڭ ولىمىنە كۇدىكتىلەردىڭ ءبىرى بولعان جانار تولىبايەۆاعا «الدىن-الا كەلىسىلگەن ۇرلىق» بابى بويىنشا تاعىلعان ايىپ الىنىپ تاستالدى.

سوتقا جانار تولىبايەۆانىڭ اتا-اناسى قاتىستى. كوزى جاسقا تولعان اناسى ۇكىممەن كەلىسپەيتىنىن، قىزىن قىلمىسكەر دەپ سانامايتىنىن ايتتى.