قازاقستاندا وقۋشىلار اراسىندا ءجيى كەزدەسەتىن اۋرۋلار بەلگىلى بولدى

None
None
استانا. قازاقپارات - ق ر پارلامەنتى سەناتىنىڭ دەپۋتاتى، قازاقستانداعى بالا قۇقىقتارىن قورعاۋ جونىندەگى ۋاكىل ساۋلە ايتپايەۆا مەكتەپ وقۋشىلارى اراسىندا كەڭىنەن تاراعان اۋرۋلاردى اتادى، دەپ حابارلايدى قازاقپارات.

«مەكتەپ وقۋشىلارى اراسىنداعى اۋرۋلاردىڭ ىشىندە ءبىرىنشى ورىندا اسقازان-ىشەك جولى دەرتتەرى تۇر، ياعني بۇل جاعداي تەكسەرۋمەن قامتىلعانداردىڭ 25 پايىزدان استامىنا قاتىستى. ەكىنشى ورىندا كوز اۋرۋلارى تۇر (16 پايىز)  ال ءۇشىن ورىندا تىنىس الۋ مەن قان اينالىمى ورگاندارى»، - دەدى س. ايتپايەۆا دەنساۋلىق ساقتاۋ مەن ءبىلىم جانە عىلىم مينيسترلەرىنىڭ اتىنا جولداعان ساۋالىندا.

ونىڭ سوزىنە قاراعاندا، ءبىرىنشى سىنىپتاعى ءاربىر بەسىنشى وقۋشىنىڭ دەنساۋلىق جاعدايىندا اۋىتقۋلار بايقالادى. بۇدان بولەك، ءار ءۇشىنشى وقۋشى مەكتەپتى ءتامامداعان كەزدە 2-3 مەديتسينالىق دياگنوزدى الىپ ۇلگەرەدى.

«بەلگىلى بولعانداي، بالالىق شاقتا جانە مەكتەپ جاسىندا دۇرىس تاماقتانۋ ۇستانىمدارىنىڭ بۇزىلۋى سالدارىنان بالالاردىڭ دەنساۋلىعىنا ايتارلىقتاي زاقىم كەلەدى. ياعني وسى كەزەڭدە ولار ءۇشىن اقىل-وي، دەنەگە تۇسەتىن جۇكتەمەلەرى باسىم بولادى. سونىمەن قاتار، بالالار اراسىندا ارتىق سالماق جاعدايى دا كەزدەسەدى»، - دەدى ساۋلە ايتپايەۆا.

بۇدان بۇرىن حابارلانعانداي، قازاقستانداعى بالا قۇقىقتارىن قورعاۋ جونىندەگى ۋاكىل 13-15 جاستاعى وقۋشىلار اراسىندا كۇن سايىن 14,8 پايىزى تەمەكى تارتاتىنىن، 18 پايىزى الكوگولدىك ىشىمدىككە اۋەس ەكەنىن ايتقان بولاتىن.

سوڭعى جاڭالىقتار