پسيحولوگيالىق تەست: ارمانىڭىزعا حاتتى قاي قاۋىرسىن قالاممەن جازار ەدىڭىز؟

None
None
  1. «كاسىپكەر» قالامى. ءسىز وتە مىقتى جانە ەڭبەكقور ادامسىز. تاڭەرتەڭنەن كەشكە دەيىن ءبىر ورىندا تاپجىلماي، قيىن ءارى كۇردەلى جوبامەن اينالىسا الاسىز. بويىڭىزدا تاۋەكەلشىلدىك تۇنىپ تۇر.

 قانداي شەشىم شىعارساڭىز دا، تەك جاقسىلىعىن كورۋگە تىرىساسىز. ءبىر كورگەن كىسى ءسىزدى ەڭبەكسۇيگىش دەپ باعالايدى، ولار قاتەلەسپەيدى دە. ءبىراق ءسىز جۇمىسىڭىزعا دەگەن شەكسىز ماحابباتىڭىز ارقىلى وزگە ەڭبەكقور جانداردان ەرەكشەلەنىپ تۇراسىز. ويعا العان ءىسىڭىزدى سوڭىنا دەيىن جەتكىزبەي تىنبايسىز.

2. «رۋحاني تالىمگەر» قالامى. ءسىز سابىرلى ءارى جاناشىر جانسىز. ءبىر كۇنىڭىزدى تولىعىمەن جاردەمىڭىزگە مۇقتاج ادامعا ارناي الاسىز. جانىڭىز قايىرىمدىلىق پەن مەيىرىمدىلىككە باي. ءسىز ءۇشىن ناعىز ادام - وزگەلەرگە قول ۇشىن سوزا العان جان. «ادام الاسى ىشىندە» دەگەن تىركەس سىزگە ساي ەمەس ەكەنىن ءبىر كورىپ بىلۋگە بولادى. سەبەبى ۇسقىنىڭىز قانداي جايدارى بولسا، جانىڭىز دا سونداي جومارت. ەشقاشان سابىرعا كەلە المايتىن جاندى دا تىنىشتاندىرۋ ءسىزدىڭ عانا قولىڭىزدان كەلەدى.

3. «ونەرتاپقىش» قالامى. ءسىز قۋاتىڭىز مول جانە قاتارىڭىزدان وزىق جانسىز. كۇنى بويى جاڭا دا تىڭ جوبالار مەن يدەيالاردى دامىتۋ ءۇشىن قوزعالماي وتىرا الاسىز. ءاردايىم جاڭا نارسەلەردى ويلاپ تابۋدى جاقسى كورەسىز. جۇمىستا دا، باسقا كەزدە دە كەز كەلگەن ءىستى بايقاپ كورگىڭىز كەلەدى. العاش كورگەن كوزگە ءىش پىستىرارلىق ادام بوپ تانىلاسىز. سولاي بولۋى دا مۇمكىن، ءبىراق يدەيالارىڭىز ەشقاشان ەشكىمدى جالىقتىرعان ەمەس. زاتتاردىڭ قۇپياسىن اشۋ ءۇشىن ۇزاق اۋرەلەنىپ، تاجىريبە جاساعاندى جانىڭىز سۇيەدى.

4. «سىنشى» قالامى. ءسىز تالعامپازسىز جانە وتە جاقسى تاربيە كورگەنسىز. كۇنى بويى قوناقتىڭ كوڭىلىن اۋلاپ، قىزىقتى ازىلدەرمەن جۇزىنە كۇلكى سىيلاپ وتىرا الاسىز. الەمدەگى ەڭ جاقسى ادام ەكەنىڭىزدى كورسەتكىڭىز كەلەدى. بارلىعى ءسىزدى ءبىرتۋار تۇلعا رەتىندە قابىلداعانىن قالايسىز. العاش كورگەن جان ءسىزدى كورسەقىزار، كەيدە ەپتەگەن تاكاپپار دەپ ويلايدى. مويىنداڭىز، مۇنداي وي تۋۋىنا ءوزىڭىزدىڭ ۇلەسىڭىز بار. كەز كەلگەن نارسەنىڭ ساپالىسىن تاڭدايسىز، ەڭ جاقسىسىن عانا العىڭىز كەلەدى.

سوڭعى جاڭالىقتار