قالمۇحانبەت قاسىموۆ ينسپەكتوردى قۇتقارۋعا نەلىكتەن كوپ ۋاقىت كەتكەنىن ءتۇسىندىردى

None
None
استانا. قازاقپارات - ق ر ىشكى ىستەر ءمينيسترى قالمۇحانبەت قاسىموۆ جاراقات العان «وحوتزووپروم» ينسپەكتورىن قۇتقارۋعا نەلىكتەن كوپ ۋاقىت كەتكەنىن ءتۇسىندىردى، دەپ حابارلايدى قازاقپارات.

ايتا كەتەيىك، بۇقارالىق اقپارات قۇرالدارىندا جاراقات العان ينسپەكتوردى اۋرۋحاناعا جەتكىزۋگە كوپ ۋاقىت كەتتى دەگەن اقپارات تاراعان بولاتىن. وسى ورايدا تىلشىلەر تاراپىنان «تابيعات قورعاۋ ينسپەكتورلارىن اۋرۋحاناعا اۆياتسيامەن نەگە تاسىمالدامادى؟» دەگەن ساۋال قويىلدى.

«قىلمىسكەرلەر وقيعا ورنىنان قاشقان كەزدە ينسپەكتور كولىگىنىڭ كىلتىن الىپ كەتكەن جانە ولاردان نوۆيگاتوردى تارتىپ العان. سوندىقتان ينسپەكتورلاردىڭ ەكىنشى كولىگى جاراقات العانداردى بىردەن تابا المادى. وسى ورايدا سوققىعا جىعىلعان ينسپەكتوردى اۋرۋحاناعا جەتكىزگەنشە، ءبىراز ۋاقىت كەتتى. كۇن رايىنا بايلانىستى تىكۇشاقتى اۋەگە كوتەرە المادىق. ياعني ت ج تىكۇشاعىن پايدالانا المادىق، سەبەبى قولايسىز اۋا رايىنا بايلانىستى بىزگە رۇقسات بەرىلمەدى»، - دەدى مينيستر سەناتتا تىلشىلەر ساۋالىنا جاۋاپ بەرە وتىرىپ.

ونىڭ سوزىنە قاراعاندا، قاراعاندى وبلىسىندا «وحوتزووپروم» ينسپەكتورىنىڭ ولىمىنە قاتىستى ادام ءولتىرۋ بابى بويىنشا قىلمىستىق ءىس قوزعالدى.

 ەسكە سالا كەتسەك، مينيستر بۇل قىلمىسقا قاتىستى دەگەن كۇدىكپەن  قىزىلوردا وبلىسىنىڭ تۋمالارى ىزدەستىرىلىپ جاتقانىن ءمالىم ەتكەن بولاتىن.

«كۇدىكتىلەردىڭ اتى- ءجونىن، مىنگەن كولىكتەرىن انىقتادىق. بۇل رەتتە كۋاگەرلەر دە تابىلدى. قازىرگى كەزدە كۇدىكتىلەرگە قاتىستى ىزدەۋ جاريالاندى»، - دەدى ق. قاسىموۆ.

بۇدان بۇرىن حابارلانعانداي، وسىدان بىرنەشە كۇن بۇرىن 5 كيىك اتقان براكونەرلەرمەن قاقتىعىستا اۋىر جاراقات العان «وحوتزووپروم» ءو ب» ر م ق ك ينسپەكتورى ەرلان نۇرعاليەۆ 15 - قاڭتاردا قايتىس بولعان ەدى.

اۆتور: رۋسلان عابباسوۆ

سوڭعى جاڭالىقتار