ايداعى العاشقى وسىمدىك وسپەي قالدى
ەكسپەريمەنت ءۇشىن 6 ءتۇرلى وسىمدىكتىڭ تۇقىمى تاڭدالىپ الىنعان بولاتىن. ستانتسيادا ورناتىلعان فوتواپپارتتىڭ كومەگىمەن تۇسىرىلگەن سۋرەتتەردە بايقاعانداي، ماقتا وسىمدىگى العاشقى بولىپ ونە باستاعان. عالىمدار Lunar Micro Ecosystem شاعىن بيوسفەرا ەكسپەريمەنتى ۇزاققا سوزىلادى دەپ ۇمىتتەنبەگەنىن ايتتى. وسىمدىكتىڭ ولۋىنە ايداعى ءتۇن اسەر ەتكەن. تۇندە جەردىڭ تابيعي سەرىگىندەگى تەمپەراتۋرا تسەلسي بويىنشا مينۋس 170 گرادۋسقا جەتەدى.
ماقتادان بولەك ايعا كارتوپ، راپس، مايلى داقىلدار ۇرىعى جەتكىزىلدى. الايدا ولار ءوسىپ شىققان جوق.
قىتاي عارىش اپپاراتى 2018 -جىلى 8 - جەلتوقساندا ۇشىرىلعان بولاتىن. ونىڭ نەگىزگى مىندەتى ايدىڭ بۇعان دەيىن بەلگىسىز بولىپ كەلگەن بولىگىن زەرتتەۋ. سونىمەن قاتار، ايعا راديواسترونوميالىق بايقاۋ جۇرگىزىپ، اي بەتىنىڭ ءتۇزىلۋ قۇرامىن زەرتتەمەكشى.
بۇدان بۇرىن، ايداعى رادياتسيانىڭ ءتىرى جان يەلەرى ءۇشىن اسەر ەتۋى جايلى امەريكالىق استروناۆتار 1972 -جىلى «اپوللون-17» ميسسياسىن ىسكە اسىرۋ بارىسىندا انىقتاعان بولاتىن.