قازاقستان مەن تاجىكستان اراسىندا زاڭسىز كوشى- قونمەن كۇرەس كۇشەيتىلدى

None
None
 استانا. قازاقپارات - پارلامەنت سەناتىنىڭ جالپى وتىرىسىندا «قازاقستان ۇكىمەتى مەن تاجىكستان ۇكىمەتى اراسىنداعى كوشى- قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭى قابىلداندى، دەپ حابارلايدى قازاقپارات.

بۇل كەلىسىمگە 2018 -جىلى ناۋرىزدا استانا قالاسىندا قول قويىلدى.

«كەلىسىمدى راتيفيكاتسيالاۋ جاعدايىندا كوشى- قون اعىمدارىن رەتتەۋ مەن ازاماتتىق ماسەلەلەردى شەشۋ ءۇشىن قولايلى جاعداي جاسالادى. قۇجات ءبىرقاتار باعىتتار بويىنشا اقپارات الماسۋدى كوزدەيدى. وسى ورايدا ستاتيستيكالىق، قۇقىقتىق جانە عىلىمي- ادىستەمەلىك اقپارات، تاراپتار مەملەكەتتەرىنىڭ اۋماقتارىنداعى ەلدەر ازاماتتارى تۋرالى مالىمەتتەر ەسكەرىلەدى» - دەدى ق ر ىشكى ىستەر ءمينيسترى قالمۇحانبەت قاسىموۆ.

 بەلگىلى بولعانداي، 2018 -جىلعى شىلدەدە كەلىسىم تاجىكستان پارلامەنتىمەن راتيفيكاتسيالانعان.

وسى كەلىسىمنىڭ اياسىندا تاراپتار وزدەرىنىڭ ۇلتتىق زاڭناماسىنا جانە حالىقارالىق شارتتارعا سايكەس، تاراپتار مەملەكەتتەرىنىڭ اۋماعىندا ەڭبەك رەسۋرستارىن تارتۋ سالاسىندا مەملەكەتتىك ورگاندار مەن شارۋاشىلىق سۋبەكتىلەرى اراسىنداعى ىنتىماقتاستىققا ىقپال ەتەدى.

سوڭعى جاڭالىقتار