وزبەكستان تۋريزمگە تۇساۋ بولىپ تۇرعان دارەتحانا ماسەلەسىن شەشۋگە كىرىستى

None
None
استانا. قازاقپارات - وزبەكستان تۋريزمنىڭ دامۋىنا تۇساۋ بولىپ تۇرعان دارەتحانا ماسەلەسىن تۇبەگەيلى شەشۋدى قولعا الدى.

 سونىڭ نەگىزىندە الەمدىك ستاندارتقا سايكەس كەلەتىن سانيتارلىق ورىنداردى يمپورتتاۋشى كومپانيالار 2022 -جىلدىڭ 1 - قاڭتارىنا دەيىن كەدەندىك تولەمدەردەن بوساتىلدى.

 ءتىپتى جەرگىلىكتى كاسىپكەرلەرگە دە ءتۇرلى جەڭىلدىكتەر ۇسىنىلىپ وتىر. بۇل كورشى ەل باسشىسىنىڭ «تۋريزم يندۋسترياسىن دامىتۋدى جەدەلدەتۋ جونىندەگى شارالار تۋرالى» جارلىعىندا كورسەتىلگەن.

وزبەكستاندا تۋريزم سالاسىن دامىتۋدىڭ ناقتى جوسپارى بەكىتىلدى. سونىڭ نەگىزىندە الداعى بەس جىلدا تۋريستەردىڭ سانىن 9 ميلليونعا جەتكىزۋ مەجەلەندى. ساياحاتتاپ كەلۋشىلەرگە كورسەتەتىن مادەني جانە تاريحي مۇرالار بارشىلىق. ءبىر تاشكەنتتىڭ وزىندە 7 مىڭ 300 دەن اسا نىسان بار. ەڭ الدىمەن سول جەرلەردىڭ ينفراقۇرلىمىن دامىتۋ جوسپارلانىپ وتىر. ونىڭ ىشىندە تۋريزمگە تۇساۋ بولىپ كەلگەن دارەتحانا ماسەلەسى دە بار.

 تاحير سالييەۆ، تۋريزمدى دامىتۋ جونىندەگى مەملەكەتتىك كوميتەت جانىنداعى قوعامدىق كەڭەستىڭ ءتوراعاسى:

 - قازىرگى ۋاقىتتا بۇل ماسەلەگە ەرەكشە كوڭىل ءبولىنىپ وتىر. وزبەكستاننىڭ كەز- كەلگەن جەرىندە تۋريستەر زاماناۋي سانيتارلىق- ورىنداردى پايدالانۋعا قول جەتكىزۋى كەرەك. بۇل سۇراق بويىنشا شۆەيتساريا، بەلگيا، گوللانديالىق كاسىپكەرلەر كەلىپ ءوز جوبالارىن ۇسىندى. قازىر بۇل ماسەلەلەر بويىنشا شەشىم قابىلداۋ پروتسەسى ءجۇرىپ جاتىر.

شەتەل كاسىپكەرلەرىنىڭ ۇسىنعان جوباسى تولىقتاي وي ەلەگىنەن وتكىزىلىپ، ەڭ ءتيىمدى دەگەنى تاڭدالماق. سونىڭ نەگىزىندە ەل اۋماعىنداعى تاريحي ورىندار مەن ءدامحانالاردا بولاشاقتا سوڭعى ۇلگىدەگى دارەتحانالار سالىنادى. وسىعان بايلانىستى وزبەكستانعا زاماناۋي قۇرالدارمەن جابدىقتالعان دارەتحانا قۇرىلعىلارىن يمپورتتاۋشى كاسىپورىندار 2022 -جىلعا دەيىن كەدەندىك سالىقتان بوساتىلادى. جەرگىلىكتى كاسىپكەرلەرگە دە ءبىرقاتار جەڭىلدىكتەر جاسالىپ وتىر. ياعني قۇرىلىسقا جۇمسالعان قارجى سالىق ەسەبىنەن قىسقارادى.

جاحونگير شاحابايەۆ، باقىلاۋشى:

- پرەزيدەنت جارلىعىندا دارەتحانالاردى جاڭعىرتۋ، زامان تالابىنا ساي جوندەۋ جۇمىستارىن جۇرگىزۋ بويىنشا كوپ كوڭىل ءبولىنىپ وتىر. جالپى بۇل ماسەلە وزبەكستان بويىنشا مىقتاپ قولعا الىندى. كوپشىلىك تازالىققا كوبىرەك كوڭىل بولە باستادى. مىسالى ءوز قارجىسىن جۇمساپ كۇردەلى جوندەۋ جۇرگىزگەن كاسىپكەرگە سالىقتان جەڭىلدىكتەر بەرىلىپ وتىر.

وزبەكستانداعى تاريحي ورىندار مەن تۋريستەر كوپ كەلەتىن ورتالىقتارداعى دارەتحانالار قازىرگى تاڭدا تولىقتاي الەمدىك ستاندارتتارعا سايكەستەندىرىلىپ جاتىر. كيەلى ورىندارعا كىرەردە تازالىق ساقتاعان ءجون. سوندىقتان دارەتحانالار سالقىن جانە ىستىق سۋمەن قامتىلعان. سونىمەن بىرگە قول سۇرتەتىن ورامالدارى دا بار. شىعاردا ءيىس سۋ سەۋىپ شىعاسىز. وزبەكستان بيلىگى الداعى ۋاقىتتا ەل اۋماعىنداعى كۇرە جول بويىنان ءدال وسىنداي الەمدىك ستاندارتقا سايكەس كەلەتىن دارەتحانا سالۋدى كوزدەپ وتىر.

www.24.kz

سوڭعى جاڭالىقتار