شىعىس قازاقستان وبلىسىندا مال ۇرلاۋمەن اينالىسىپ كەلگەن ەكى ۇيىمداسقان توپ مۇشەلەرى ۇستالدى
سەمەي جانە اياگوز اۋدانى تۇرعىندارىنان قۇرىلعان ءبىر قىلمىستىق توپ جارما اۋدانىندا مال ۇرلاعان. ولار اۋدان تۇرعىندارىنان مال ۇرلانعان 9 ەپيزودقا قاتىسى بار دەگەن كۇدىككە ءىلىندى. بىلتىرعى جىلدىڭ قازان ايىنان بەرى دالادا جايىلىپ جۇرگەن نەمەسە تۇنگى ۋاقىتتا اۋىل قورالارىندا تۇرعان مالدى ۇرلاعان.
تەرگەۋ نۇسقاسى بويىنشا، ۇرلانعان مال سەمەي قالاسىنا جەتكىزىلىپ، باسقا ادامدارعا ساتىلعان. جارما اۋدانىنىڭ تۇرعىندارىنا كەلتىرىلگەن شىعىن 4,9 ميلليوننان استام تەڭگەنى قۇرادى.
مال ۇرىلارىنىڭ تاعى ءبىر توبى ۇلان اۋدانىندا ۇستالدى. قاڭتاردىڭ باسىندا اۋداندىق پوليتسيا بولىمىنە جەرگىلىكتى ءۇش تۇرعىننان دالادا جايىلىپ جۇرگەن جىلقىلارىنىڭ ۇرلانعانى تۋرالى ءوتىنىش كەلىپ ءتۇستى. مال يەلەرى كەلتىرىلگەن شىعىندى 1,3 ميلليون تەڭگەگە باعالادى. بۇگىندە بۇل ۇرلىقتاردى جاساۋدا كۇدىكتى تانىلعان ءۇش ازامات انىقتالدى.
پوليتسيانىڭ حابارلاۋىنشا، ۇرلىقتىڭ بارلىق وقيعالارى بويىنشا قر قىلمىستىق كودەكسىنىڭ 188-بابىمەن سوت الدىنداعى تەرگەۋ امالدارى جۇرگىزىلۋدە.
اۆتور: ليۋدميلا مالكو