20:41, 16 - قاڭتار 2019 | GMT +6
عالىمدار اشىعۋدىڭ پايداسىن دالەلدەدى
استانا. قازاقپارات - كاليفورنيا ۋنيۆەرسيتەتىنىڭ عالىمدارى اشىعۋدىڭ مەتابوليزم قىزمەتىن وزگەرتىپ، سالدارىنان ادامنىڭ دەنساۋلىعى جاقسارىپ، ءومىر ءسۇرۋ ۇزاقتىعى ارتاتىنىن انىقتادى.
زەرتتەۋ Cell Reports جۋرنالىندا جاريالاندى، - دەپ حابارلايدى Tengrinews.kz Lenta.ru-عا سىلتەمە جاساپ.
عالىمدار مۇنى سيركادتى ىرعاقپەن بايلانىستىرىپ وتىر. ياعني بيولوگيالىق پروتسەستەردىڭ قارقىندىلىعى ءتۇرلى بولۋىمەن بايلانىستى دەپ تۇسىندىرەدى. ولاردىڭ قىزمەتى ادامداردىڭ ىشكى ساعاتى سەكىلدى: ياعني، تاڭەرتەڭ ۇيقىڭىزدان وياتىپ، كەشكە ۇيقىنى شاقىرادى. ال تاماقتانۋ ۋاقىتى، مامانداردىڭ ايتۋىنشا، سيركادتى ىرعاقتىڭ قىزمەتىن مۇلدە وزگەرتەدى. زەرتتەۋ ناتيجەسى كورسەتىپ وتىرعانداي، اشىعۋ مەتابوليزم قىزمەتىن جەدەلدەتىپ، سيركادتى ىرعاقتىڭ جۇمىسىنا تىكەلەي اسەر ەتەتىن گەندەر مەن اقۋىزداردىڭ قىزمەتىن بەلسەندى ەتەدى.