بيىل ادام دەنساۋلىعىنا قاۋىپ قايدان كەلەدى؟
ەڭ ءبىرىنشى ورىندا اۋانىڭ لاستانۋى تۇر. اتموسفەرانىڭ بۇزىلۋى ادام دەنساۋلىعىنا اسا قاۋىپتى. ودان پايدا بولاتىن دەرت تۇرلەرى دە ۇشان- تەڭىز. وسىنىڭ سالدارىنان جىلىنا 7 ميلليونعا جۋىق ادام كوز جۇمادى ەكەن. رەيتينگتە ەكىنشى ورىنعا سۋسامىر، جۇرەك- قانتامىرلارى دەرتى مەن قاۋىپتى ىسىك اۋرۋلارى ورنالاسقان. بۇل دەرتتەردىڭ پايدا بولۋىنا تەمەكى تارتۋ، قيمىل- قوزعالىستىڭ از بولۋى، ىشىمدىك ءىشۋ، دۇرىس تاماقتانباۋ جانە اۋانىڭ لاستانۋى باستى سەبەپ. جىلىنا 41 ميلليون ادام اتالعان اۋرۋلاردىڭ سالدارىنان اجال قۇشادى ەكەن.
2019 -جىلى ادامزاتقا قاۋىپ ءتوندىرۋى مۇمكىن دەگەن دەرتتەردىڭ قاتارىنا پاندەميا تۇماۋىن قوسقان. ودان كەيىن ادامداردىڭ اۋىر تۇرمىستىق جاعدايى دا قاۋىپتەر قاتارىندا. سەبەبى جىل سايىن جەر بەتىندە اشارشىلىق، قۇرعاقشىلىق، اسكەري قاقتىعىستار مەن كوشى- قوننان ميلليونداعان ادام دەنساۋلىعىنا زيان كەلىپ، كوز جۇمادى. ادامدار ءتۇرلى ميكروب تۇرلەرىنەن پايدا بولاتىن دەرتتەردەن دە ساق بولۋ كەرەك. ەبولا، زيكا سەكىلدى قاۋىپتى ۆيرۋستار دا ادامزات ءومىرىنىڭ حاس جاۋى. سونداي- اق بۇكىل الەمدىك دەنساۋلىق ساقتاۋ ۇيىمى بيىل ج ي ت س- تەن ساقتانۋعا كەڭەس بەرەدى. دەنساۋلىققا ءار ءسات ءمان بەرۋ كەرەك. جىلىنا كەم دەگەندە ءبىر رەت تولىق دارىگەرلىك تەكسەرۋدەن ءوتۋدىڭ پايداسى زور. سەبەبى كوپ ادامدار ۆاكسيناتسيانى ۋاقىتىلى سالدىرماعاندىقتان، دەرتىنە سەلقوس قاراعاندىقتان دا دەنساۋلىعىن ناشارلاتىپ الادى ەكەن.
Massaget.kz