20:30, 16 - قاڭتار 2019 | GMT +6
قىتايدا ەسىرتكى تاسىمالداعان كانادالىق ءولىم جازاسىنا كەسىلدى
استانا. قازاقپارات - قىتايدا زاڭسىز ەسىرتكى تاسىمالداعان كانادانىڭ ازاماتى ءولىم جازاسىنا كەسىلدى. 222 كەلىدەن استام مەتامفەتامين زاتىمەن ۇستالعان روبەرت للويد شەللەنبەرگكە لياونين پروۆينتسياسىنداعى داليان حالىقتىق سوتى وسىنداي ۇكىم شىعاردى.
وعان سايكەس، ايىپتالۋشىنىڭ بارلىق مۇلكى تاركىلەندى. شەللەنبەرگ گۋاڭدۇڭ پروۆينتسياسىندا سيۋي ەسىمدى ءتىلماش ارقىلى ءوز سىبايلاستارىنا 20 توننا پلاستيك ۇنتاقتارىن بەرگەن.
ايتا كەتۋ كەرەك، بۇل - كانادالىق ازاماتقا كەسىلگەن ەكىنشى ۇكىم. بىلتىر قاراشا ايىندا شەللەنبەرگكە سوت 15 جىل كەسىپ، 22 مىڭ ا ق ش دوللارى كولەمىندە ايىپپۇل تولەۋ جونىندە ۇكىم شىعاردى. الايدا سوتتىڭ شەشىمىنە قاناعاتتانباعان كانادالىق اپپەلياتسيالىق شاعىم تۇسىرگەن. لياۋنيڭ پروۆينتسياسىنداعى جوعارعى سوت ءىستى قايتا قاراپ ۇكىمنىڭ كۇشىن بۇزدى. وسى اپتادا شەللەنبەرگ ەسىرتكى كونترابانداسىنىڭ باستى قىلمىسكەرى رەتىندە ءولىم جازاسىنا كەسىلدى.