امەريكالىق ب ا ق: شوۋ ءالى باستالعان جوق، ال ديماش قۇدايبەرگەن فاناتتاردىڭ فاۆوريتىنە اينالىپ ۇلگەردى
ءبىر قىزىعى، شوۋدىڭ باستالۋىنا ءالى 1 ايعا جۋىق ۋاقىت بولسا دا، فاناتتار ءوز فاۆوريتىن تاۋىپ ۇلگەرگەن. ول - قازاقستاندىق ديماش قۇدايبەرگەن. امەريكالىق Meaww.com سايتى جەرلەسىمىزگە ءدال وسىلاي باعا بەردى.
«ديماش قۇدايبەرگەن - تانىمال قازاقستاندىق ءانشى. 24 جاستاعى ونەر يەسى جاستاي ساحناعا شىققان، ونىڭ فاناتتار ارمياسى وتە كوپ. بالا كەزىندە ول پيانينودا ويناپ، ءارتۇرلى بايقاۋلاردا ونەر كورسەتكەن. سونداي- اق، ول 2015 -جىلى بەلارۋس ەلىنىڭ ۆيتەبسك قالاسىندا وتكەن «سلاۆيان بازارى» بايقاۋىنىڭ گران- پري يەگەرى»، - دەپ جازعان باسىلىم ديماش جايلى.
«فاناتتار ديماشتى شوۋدىڭ تيزەرىنەن كورگەن سوڭ- اق تولقي باستادى. شوۋدىڭ باستالار كۇنىن تاعاتسىزدانا كۇتىپ جۇرگەندەرىن ايتتى»، - دەيدى باسىلىم الدا بولاتىن بايقاۋ تۋرالى.
ب ا ق- تا جاريالانعان ماقالادا كوپتەگەن فاناتتاردىڭ ديماشتىڭ بۇل جوبادا جەڭىسكە لايىق كورىپ وتىرعانى اتاپ وتىلگەن.
«قۇدايبەرگەنوۆتىڭ فاناتتارى وعان جەڭىس الىپ كەلە مە؟ ارينە، ولار قولدان كەلگەننىڭ ءبارىن جاسايدى. ولاردىڭ سوزىنە سەنسەك، ديماش ءوزىن الدەقاشان دالەلدەگەن. ول وتە تانىمال ءارى تىڭدارماندارى كوپ. وعان بۇل جوبانىڭ نە ءۇشىن قاجەت ەكەنى دە ويلاندىرادى. سەبەبى ول قازاقستاندا دا، ودان تىس اۋماقتا دا وتە تانىمال. دەگەنمەن ءوزىنىڭ اۋديتورياسىن كەڭەيتكىسى كەلەتىن شىعار. قانشا دەگەنمەن، بۇل الەمدىك جوبا»، - دەپ جازعان امەريكالىق سايت.
ايتا كەتەيىك، «الەم ۇزدىگى» بايقاۋى 3 - اقپان كۇنى ەفيرگە شىعادى. شوۋ 10 كەزەڭگە جالعاسادى دەپ كۇتىلۋدە. ەستەرىڭىزدە بولسا، بۇعان دەيىن ديماشقا الەمنىڭ ۇزدىك انشىلەرى رەيتينگىندە قالاي داۋىس بەرۋگە بولاتىنىن جازعان ەدىك.
Stan.kz