ترامپتىڭ ۇسىنىسى: تۇركيا سيريادا بۋفەرلىك ايماق قۇراتىن بولدى
ونىڭ ايتۋىنشا، ترامپتىڭ twitter پاراقشاسىنا جاريالاعان مالىمدەمەسىنەن كەيىن قوس ەلدىڭ باسشىسى تەلەفون ارقىلى سويلەسىپ، ءبىر مامىلەگە كەلگەن.
ايتا كەتەيىك، اق ءۇي باسشىسى الەۋمەتتىك پاراقشاسىندا تۇركيا كۇردتەرگە قارسى شابۋىل جاساعان جاعدايدا ەل ەكونوميكاسىن كۇيرەتەمىز دەپ سەس كورسەتكەن بولاتىن. سونداي- اق ترامپ كۇردتەردى تۇركياعا قارسى ارانداتۋشىلىق ارەكەتتەن قاشىق بولۋعا شاقىرعان ەدى.
رەجەپ تايىپ ەردوعان، تۇركيا رەسپۋبليكاسىنىڭ پرەزيدەنتى:
- سيرياداعى جاعدايعا قاتىستى ترامپپەن ءبىر كەلىسىمگە كەلدىك دەگەن سەنىمدەمىن. ول ا ق ش اسكەرلەرىن سيريادان شىعارۋ تۋرالى شەشىمى مەن تۇركيانىڭ سيريادا بۋفەرلىك ايماق قۇرۋىن تاعى ءبىر رەت راستادى. بۋفەرلىك ايماق قۇرۋ ۇسىنىسىن وبامانىڭ بيلىگى تۇسىندا جاساعان بولاتىنمىن. تۇركيا بۇل ماسەلەنى شەشۋ ءۇشىن قاجەتتى مۇمكىندىكتەرىن قولدانادى.