قازاقستاندىق عالىم: يسا پايعامبار قازاق بولعان

  استانا. قازاقپارات - قازاقستاندىق ماتەماتيك قايرات زاكيريانوۆ يسا (ا. س. ) پايعامباردىڭ قازاق بولعانىن ايتتى. ايتۋىنشا، زاراتۋشرا قازىرگى ورالدا ومىرگە كەلگەن.

«ەڭ ەجەلگى ءدىن - تاڭىرشىلدىك. پەرسيادا ابوريگەندەردىڭ مەنتاليتەتىنە ساي زارواستريزم دەپ اتالدى. ۇلى بريتانيادا مويىندالعان عالىم مەري بويس «قازاق دالاسىنداعى ەدىلدىڭ شىعىسىنان ءزارووستريزمنىڭ ءتۇپ تامىرىن ىزدەۋ كەرەك» دەگەن. ايتۋىنشا، زاراتۋسترا نەمەسە جاراتۋشى سوزىنەن وسى ءدىننىڭ نەگىزى نەمەسە حريستان ءدىنى قازىرگى ورال وڭىرىنەن باستاۋ الادى، دەپ جازادى rezonans.kz.

«مەن ۇنەمى ييسۋس حريستوستىڭ يەۆرەي بولماعانىن، حريستيان ءدىنىن يەۆرەيلەر نە سلاۆياندار ويلاپ تاپپاعانىن ايتىپ ءجۇرمىن» دەيدى عالىم.

VII عاسىردا رەسەيدىڭ كراسنودار وڭىرىنەن تۇركى- رۋنا تىلىندە جازىلعا جازبا تابىلدى. ماتىننەن يسا (س. ا. ) پايعامباردىڭ قازاقتىڭ البان، سۋان، بوتپاي، دۋلات رۋىنىڭ بىرىنەن تاراعانىن اڭعارۋعا بولادى. رەسەيدىڭ ءپۋبليتسيسى مۋراد ادجي يسا (س. ا. ) پايعامبارىمىزدىڭ بالالىق شاعىن التاي وڭىرىندە وتكىزگەنىن ايتتى. سول ۋاقىتتا البان، سۋان، بوتپاي، دۋلات رۋى التايدان كاسپي، قارا تەڭىزگە قونىس اۋدارعان بولۋى مۇمكىن.

بۇعان دەيىن تاعى ءبىر قازاق عالىمى، فيلوسوفيا عىلىمدارىنىڭ دوكتورى باعدات بەيسەنوۆ ادام مەن حاۋا انانىڭ قازاقشا سويلەگەنىن ايتقان ەدى. الما ءسوزىنىڭ «ۇستاما» دەگەن ماعىنادان شىققانىن ايتتى. ال، ادام ەسىمى قازاقتىڭ «ادامزات» سوزىنەن شىققان دە توپشىلادى.

Stan.kz