كوكشەتاۋلىق جاس عالىمدار امبەباپ تىڭايتقىش ويلاپ تاپتى

None
None
استانا. قازاقپارات - كوكشەتاۋلىق جاس عالىمدار جاڭا امبەباپ تىڭايتقىش ويلاپ تاپتى. كوكشەتاۋ مەملەكەتتىك ۋنيۆەرسيتەتىنىڭ ماگيسترى ەدىل ايشوكتىڭ ايتۋىنشا، ونى ارپا، بيداي، مايلى داقىلدارعا، ءتىپتى، كوكونىستەرگە دە قولدانا بەرۋگە بولادى.



 ماسەلەن، عالىم ونى كارتوپقا سىناپ كورگەن. ناتيجەسى ايتارلىقتاي. زەرتتەۋ كورسەتكەندەي، 1 گەكتارعا سەبىلگەن 100 كەلى جاڭا تىڭايتقىش ونىمدىلىكتى 2 ەسەگە ارتتىرادى.

ەندى الداعى جىلدارى اتالعان پرەپارات باسقا دا داقىلدارعا سىنالىپ كورمەك. ال تىڭايتقىشتىڭ ءوزى ءوندىرىس قالدىقتارىنان، ياعني كومىر مەن رەزەڭكە دوڭگەلەكتەردىڭ كۇلىنەن جاسالعان.

ەدىل ايشوك، ۋنيۆەرسيتەتتىڭ عىلىمي قىزمەتكەرى:

 - بۇل جوبا باسەكەگە قابىلەتتى. قازىردىڭ وزىندە بىرنەشە شارۋاشىلىقپەن كەلىسىم- شارت جاسالدى. ياعني جاڭا تىڭايتقىش جاقىندا وندىرىسكە ەنگىزىلەدى. ال كەلەشەكتە وسى ءونىمدى كوپ كولەمدە شىعارا الاتىن زاۋىت سالۋ كەرەك.

ءابىلجان قۇسايىنوۆ، جوبانىڭ عىلىمي جەتەكشىسى، پروفەسسور:

 - قازىر جەردىڭ قۇنارى كەتىپ بارادى. زالالسىز تىڭايتقىشتار بولسا جەتكىلىكسىز. قىمبات پرەپاراتتاردى شارۋاشىلىقتاردىڭ ءبارى بىردەي ساتىپ الا المايدى. ال بۇل تىڭايتقىشتىڭ وزىندىك قۇنى وتە ارزان بولادى. شيكىزاتتان دا تاپشىلىق جوق.

www.24.kz

سوڭعى جاڭالىقتار