شوكولادتىڭ اعزاعا كەلتىرەر پايداسى مەن زيانى قانداي
زەرتتەۋشىلەر شوكولادتى بىرەسە سيقىرلى جانە ەمدىك قاسيەتتەرى بار ءونىم دەپ ماقتاسا، بىرەسە جاعىمسىز جاناما اسەرلەرىمەن قورقىتادى. بۇگىندە Stan.kz اقپاراتتىق اگەنتتى رەسەيدىڭ مەديتسينالىق عىلىمدار اكادەمياسىنىڭ تاماقتانۋ عىلىمي- زەرتتەۋ ينستيتۋتىنىڭ گاستروەنتەرولوگى كسەنيا سەلەزنيەۆانىڭ «ءتاتتى انتيدەپرەسسانت» تۋرالى ايتقان بار شىندىعىن ۇسىنادى.
شوكولادتىڭ بىرنەشە نەگىزگى تۇرلەرى بار. اشى شوكولاد كاكاو مايى مەن ۇنتاقتالعان كاكاودان جانە قانت ۇنتاعىنان جاسالادى. اشى شوكولادتىڭ پايداسى اۋىز تولتىرىپ ايتارلىقتاي - بۇل دەسەرت ءتۇرى ءارقايسىسىنا ۇناي بەرمەيدى، ءبىراق ونىڭ قۇرامىندا قانت از بولعاندىقتان جانە كىلەگەي نەمەسە ءسۇت بولمايتىندىقتان ەڭ زيانسىز بولىپ سانالادى. ال كوبىسىنىڭ ءسۇيىپ جەيتىن ءتاتتىسى - ءسۇتتى شوكولاد. ول اشى شوكولادتان گورى تاتتىرەك جانە كوپ كالوريالى. ءسۇتتى شوكولادتىڭ قۇرامىندا اشى شوكولادقا قاراعاندا كاكاو از. ول ۇنتاقتالعان كاكوە مەن قانتتان، كاكاو مايى جانە كىلەگەي نەمەسە سۇتتەن جاسالادى. ءبىراق، الاقول وندىرۋشىلەر شوكولادقا سويا قوسادى، بۇل ءونىمنىڭ ءدامى مەن ساپاسىنا ايتارلىقتاي اسەر ەتەدى. سوندىقتان، شوكولاد قۇرامىنا نازار اۋدارۋدى ۇمىتپاڭىز جانە وندا سويا بولماۋى كەرەك. شوكولادتىڭ تاعى ءبىر تانىمال ءتۇرۋ - اق شوكولاد. ونىڭ ءسۇتتى شوكولادتان ايىرماشىلىعى قۇرامىندا ۇنتاقتالعان كاكاو جوق بولۋىندا. اق شوكولادتىڭ زيانى اسا كوپ ەمەس. بۇل ءتاتتىنىڭ قۇرامىندا قانت وتە كوپ بولعاندىقتان جانە وعان ءارتۇرلى قوسپالار قوسىلاتىندىقتان، ايتارلىقتاي پايدالى ەمەس.
ەسىڭىزدە بولسىن، ساپالى شوكولادتى سىندىرعاندا، ول ۋاتىلماي شىتىرلاۋى كەرەك، سونداي- اق تىسكە جابىسپاۋى جانە قولدا ەرىمەۋى ءتيىس. شوكولادتىڭ پايداسى مەن زيانى تۋرالى كوپتەگەن بولجامدار بار. ال سالماق تاستاعىسى كەلەتىن ادامدار ادەتتە، شوكولادتى ەڭ الدىمەن بولىپ رۇقسات ەتىلگەن ونىمدەردىڭ تىزىمىنەن سىزىپ تاستايدى. ءبىراق مۇنداي قاتاڭ كوزقاراس تولىعىمەن دالەلدەنبەدى. سەبەبى، شوكولادتى ورىندى تۇتىنۋ دەنە بىتىمىنە زيان كەلتىرمەيدى. سوندىقتان، ءوزىڭىزدى سۇيىكتى تاتتىدەن كۇشتەپ باس تارتقىزباڭىز، ءبىراق كۇنىنە 30 گراممنان ارتىق جەمەڭىز. شوكولادتى زات الماسۋ پروتسەستەردى باسەڭدەمەس بۇرىن تاڭەرتەڭ جەگەن دۇرىس.
مىسالى، شۆەيتساريالىقتار الەم بويىنشا شوكولادتى قاتتى جاقتى كورەتىن حالىق. ورتا ەسەپپەن جىلىنا شامامەن ون كەلى شوكولاد جەيدى. ءبىراق، شوكولادتى شەكتەن تىس تۇتىنۋ قاۋىپتى. سەبەبى، قانتتىڭ سوققى دوزاسى قانداعى گليۋكوزا دەڭگەيىن بىردەن كوتەرىپ جىبەرەدى، ال ول كومىرسۋ الماسۋدىڭ اۋىر بۇزىلۋىنا اكەلۋى مۇمكىن. سوندىقتان، شوكولادتى پليتكاسىمەن ءبىر- اق جەپ تاستاماي، كىشىگىرىم بولىكتەردەن راحات الۋعا تىرىسىڭىز.
سونداي- اق، شوكولاد كوفەين، تەوبرومين جانە فەنەتيلامين سەكىلدى بەلسەندى انتيدەپرەسسانت حيميالىق زاتتاردىڭ بار بولۋىنا بايلانىستى افروديزياك قاسيەتتەرىنە يە. وزدەرىڭىز بىلەتىندەي، شوكولاد كوڭىل- كۇيدى جاقسارتادى دەگەن كەڭ تارالعان پىكىر بار، جانە بۇل شىندىق. ويتكەنى، اعزا تاتتىگە باقىت گارمونىن (سەروتونين) جانە ەندورفيندەردى (پسيحولوگيالىق سترەسستى جانە اۋىرسىنۋدى جەڭىلدەتەتىن) جاقسى ءوندىرۋ ارقىلى جاۋاپ بەرەدى. ەڭ باستىسى - بۇل انتيدەپرەسسانتتى ارتىق مولشەردە جەپ قويماۋ كەرەك. ونىڭ ۇستىنە، شوكولاد جەپ كوڭىل كوتەرگەننەن كەيىن قوسىلعان ارتىق سالماققا قۋاناتانىنىڭ ەكىتالاي. سونىمەن بىرگە، شوكولاد (اشى جانە ءسۇتتى شوكولاد) قۇرامىندا تەوبرومين، ياعني جۇيكە جۇيەسىنە قوزدىرۋ ارقىلى اسەر ەتەتىن الكالويد بار ەكەنىن ۇمىتپاعان ءجون. بۇل زات اعزاعا شامادان تىس تۇسپەۋى كەرەك. مىسالى، كاكاو اعاشتارىنىڭ ءوسۋ ۋاقىتى 200 جىلعا جەتۋى مۇمكىن، ءبىراق جەمىس بەرۋ مەرزىمى - تەك 25 جىل.
ال شوكولادتى ديەتالار - دەنە ءبىتىمدى ساقتاۋدىڭ ەڭ جاقسى جولى ەمەس. سەبەبى، ادامدار ءوزىن قاراپايىم كومىرسۋلار مەن مايلاردان شەكتەۋ جانە جەتكىلىكتى اقۋىز مولشەرىنەن، سونداي- اق تاعامدىق تالشىقتار مەن مينەرالداردىڭ جەتكىلىكتى مولشەرىنەن باس تارتۋ ارقىلى، ۇيقى بەزىنە ءقاۋىپتى جۇكتەمە تۇسىرەدى. سوندىقتان دەنساۋلىققا مۇنداي كۇماندى تاجىريبەلەر جۇرگىزۋدىڭ ورنىنا، جاعىمدى بونۋس رەتىندە تەڭدەستىرىلگەن ديەتالىق راتسيونىڭىزعا از مولشەردە شوكولاد جەۋدى قوسىڭىز.
Stan.kz