16:15, 16 - قاڭتار 2019 | GMT +6
نەيمار الەمنىڭ ەڭ قىمبات فۋتبولشىسى اتاندى
استانا. قازاقپارات - KPMG اۋديتورلىق كومپانياسى Football Benchmark جوباسى اياسىندا فۋتبولشىلاردىڭ قازىرگى تاڭداعى ترانسفەرلىك قۇنىنا باعا بەرىپ، الەمنىڭ ەڭ قىمبات ويىنشىسىن اتادى. رەيتينگتە ءبىرىنشى بولىپ تۇرعان - «پاري سەن- جەرمەن» شابۋىلشىسى نەيمار.
2019 -جىلدىڭ قاڭتارىندا 26 جاستاعى برازيليالىقتىڭ قۇنى 229 ميلليون ەۋرو بولىپ تۇر. ونىڭ كوماندالاسى تىزىمدە ەكىنشى - 20 جاستاعى كيليان مباپپە (215 ميلليون ەۋرو).
«التىن دوپتى» بەس رەت يەلەنگەن «بارسەلونانىڭ» ارگەنتينالىق شابۋىلشىسى ليونەل مەسسي (203,3 ميلليون ەۋرو) - ءۇشىنشى. ال «التىن دوپتى» بەس رەت يەلەنگەن تاعى ءبىر فۋتبولشى وندىققا كىرمەدى. ترانسفەرلىك قۇنى 107 ميلليون ەۋرو تۋريندىك «يۋۆەنتۋس» فورۆاردى كريشتيانۋ رونالدۋ تىزىمدە 12-تۇر.
اقپارات كوزى: kaz.vesti.kz