ينسپەكتور ولىمىنە قاتىستى براكونەرلەردىڭ بارلىعى انىقتالدى

None
None
استانا. قازاقپارات - «وحوتزووپروم» ءو ب» ر م ق ك ينسپەكتورى ە. نۇرعاليەۆتىڭ ولىمىنە قاتىسى بار بارلىق براكونەرلەر انىقتالدى.

بۇل تۋرالى ق ر ءى ءى م ىشكى جانە سىرتقى كوممۋنيكاتسيالار دەپارتامەنتىنىڭ ديرەكتورى الماس سادۋبايەۆ ءمالىم ەتتى، دەپ حابارلايدى قازاقپارات ءتىلشىسى.

«اتالعان فاكتى بويىنشا قاراعاندى وبلىستىق پوليتسيا دەپارتامەنتى تەرگەۋ باسقارماسىمەن ق ر ق ك 99- بابى 2- تارماعىندا كوزدەلگەن قىلمىس بەلگىلەرى بويىنشا سوتقا دەيىنگى تەرگەۋ جۇرگىزىلىپ جاتىر. بۇگىنگى كۇنى كەشەندى تەرگەۋ شارالارىنىڭ ناتيجەسىندە اتالعان قىلمىستى جاساۋعا قاتىسى بار بارلىق تۇلعالار انىقتالدى. قازىرگى ۋاقىتتا ولاردى ۇستاۋعا باعىتتالعان جۇمىستار جۇرگىزىلىپ جاتىر. قىلمىسكەرلەرمەن اراداعى قاقتىعىستا قازا تاپقان ينسپەكتوردىڭ تۋعان-تۋىستارى مەن جاقىندارىنا كوڭىل ايتامىز»، - دەدى الماس سادۋبايەۆ.

ەستەرىڭىزگە سالا كەتسەك، وسىدان بىرنەشە كۇن بۇرىن 5 كيىك اتقان براكونەرلەرمەن قاقتىعىستا اۋىر جاراقات العان «وحوتزووپروم» ءو ب» ر م ق ك ينسپەكتورى ەرلان نۇرعاليەۆ 15- قاڭتاردا استانانىڭ 1№ اۋرۋحاناسىندا قايتىس بولعان ەدى.

ال بۇگىن پارلامەنت ماجىلىسىندە تىلشىلەرگە باس پروكۋروردىڭ ورىنباسارى اندرەي لۋكين بۇل ءىستى باس پروكۋرور قايرات قوجامجاروۆ تىكەلەي باقىلاۋىنا العانىن ايتتى.

سوڭعى جاڭالىقتار