11:12, 16 - قاڭتار 2019 | GMT +6
قىتاي شەكاراسىنان زاڭسىز ءدارى الىپ وتكەن ازامات ۇستالدى
استانا. قازاقپارات - شەكاراشىلار قىتايدان زاڭسىز ءدارى اكەلمەك بولعان ازامات ۇستالدى، دەپ حابارلايدى قازاقپارات ق ر ۇ ق ك ش ق باسپا ءسوز قىزمەتىنە سىلتەمە جاساپ.
15- قاڭتاردا «قورعاس» حالىقارالىق شەكارالىق ىنتىماقتاستىق ورتالىعىندا شەكارالىق جانە كەدەندىك باقىلاۋدان ءوتىپ بولعان 21 جاستاعى قازاقستاندىق ازامات ۇستالدى.
«ونىڭ جۇگىنەن ءبىزدىڭ ەلدىڭ اۋماعىنا زاڭسىز الىپ وتكەن 4 قوراپتا، جالپى سالماعى 68,5 كەلى قىتايدىڭ ءدارى-دارمەگى تابىلدى. ۇستالعان ازاماتتىڭ جۇگى تاركىلەنىپ «التىنكول» كەدەن بەكەتىنە تاپسىرىلدى. ساراپتاما جۇرگىزىلىپ، زاڭسىز جۇكتىڭ يەسى اكىمشىلىك جازاعا تارتىلاتىن بولادى»، - دەلىنگەن حابارلامادا.