بريتانيا پارلامەنتى ەۋرووداقتان شىعۋ تۋرالى شارتتى قابىلداعان جوق

None
None
استانا. قازاقپارات -  ۇلى بريتانيا پارلامەنتىنىڭ قاۋىمدار پالاتاسى سەيسەنبى كۇنى كەشكىسىن ەۋرووداقتان شىعۋ تۋرالى شارتتىڭ جوباسىن قابىلداعان جوق.

بۇعان بريتان ۇكىمەتى مەن ەۋرووداق كەلىسىم بەرگەن بولاتىن، دەپ حابارلايدى «قازاقپارات» ح ا ا BBC- گە سىلتەمە جاساپ.

وپپوزيتسيا باسشىسى دجەرەمي كوربين سول مەزەتتە ۇكىمەتكە سەنىمسىزدىك ۆوتۋمىن ءبىلدىرۋ باستاماسىن كوتەردى.

بۇل ۇكىمەتتىڭ وتستاۆكاعا كەتۋىنە، مەرزىمىنەن بۇرىن سايلاۋ وتكىزىپ، «برەكسيتتىڭ» كەشىكتىرىلۋىنە، ءتىپتى بريتانيانىڭ ەۋروپا وداعىنداعى مۇشەلىگى تۋرالى رەفەرەندۋمدى قايتا وتكىزۋگە اكەپ سوقتىرۋى مۇمكىن.

شارتقا 432 دەپۋتات قارسىلىق ءبىلدىرىپ، 202 دەپۋتات قولداعان. «بۇل ۇكىمەت ءۇشىن سۇمدىق جەڭىلىس»، - دەيدى لەيبوريستەر پارتياسىنىڭ باسشىسى دجەرەمي كوربين. ول، سونداي-اق رەسمي تۇردە ۇكىمەتكە سەنىمسىزدىك ۆوتۋمىن ءبىلدىرۋ ۇسىنىسىن ەنگىزەتىنىن مالىمدەدى.

سوڭعى جاڭالىقتار