وڭتۇستىك كورەيادا بەس كۇننەن بەرى شاڭ-توزاڭ باسىلماي تۇر
سەۋلدىڭ باتىسىنداعى اۋدانداردىڭ بىرىندە اتموسفەراداعى ۇساق ديسپەرسيالى توزاڭ تاڭعى سەگىزدە 1 تەكشە مەتردە 153 م ك گ دەڭگەيىنە جەتكەن.
ايتا كەتەيىك، ءبىر تەكشە مەتر اۋاداعى 76 م ك گ توزاڭنىڭ ءوزى الاڭداتارلىق كورسەتكىش.
ەلدىڭ ورتالىق بولىگىندەگى كوپتەگەن وبلىستاردا دا اۋاداعى ءبىرىنشى كلاستى كانتسەروگەننىڭ جوعارى دەڭگەيى انىقتالدى. اتاپ ايتقاندا، كانۆوندو پروۆينتسياسىنىڭ سولتۇستىك-باتىسىنداعى ۆوندجۋ قالاسىندا اتموسفەراداعى شاڭ-توزاڭ دەڭگەيى 171 ك م گ كورسەتكىشىنە جەتتى.
سەۋلدە دۇيسەنبى كۇنى شاڭ-توزاڭ دەڭگەيى 118 م ك گ دەڭگەيىنە جەتتى، بۇل ۇكىمەت باقىلاۋ ورناتقان 2015-جىلدان بەرگى ەڭ جوعارى كورسەتكىش.
سەيسەنبىدە 10 ءىرى مەگاپوليس جانە پروۆينتسيادا جەرگىلىكتى ءوزىن-ءوزى باسقارۋشى ورگاندار شاڭ-توزاڭ دەڭگەيىن تومەندەتۋ ءۇشىن كولىك پەن اۋاعا ءتۇتىن شىعاراتىن نىسانداردىڭ قۋاتىن ازايتىپ، شۇعىل شارالار قولدانا باستادى.
ەل تۇرعىندارى كوشەدە ماسكا تاعىپ ءجۇر.
«اۋانىڭ لاستانعانى سونشالىق، مەنىڭ تاماعىم اۋىرىپ تۇر، ءوزىمدى سولعىن سەزىنىپ جاتىرمىن. بۇل ناعىز قويۋ تۇمانعا ۇقسايدى»، - دەيدى تۇرعىنداردىڭ ءبىرى.
مەتەورولوگتار بۇگىن كۇننىڭ باسىم بولىگىندە توزاڭنىڭ دەڭگەيى جوعارى بولاتىنىن حابارلادى.