ەل وڭىرلەرىندە كوكتايعاق، بۇرقاسىن مەن ەكپىندى جەل ساقتالادى

None
None
استانا. قازاقپارات - 16- قاڭتار كۇنى قازاقستاننىڭ باسىم وڭىرىندە جاۋىن-شاشىنمەن وتەتىن قۇبىلمالى كۇن رايى كۇتىلەدى.

رەسپۋبليكانىڭ كەي جەرلەرىندە تۇمان، كوكتايعاق، بۇرقاسىن جانە ەكپىندى جەل ساقتالادى. بۇل تۋرالى «قازگيدرومەت» ر م ك- دان ءمالىم ەتتى، دەپ حابارلايدى قازاقپارات.

اتاپ ايتقاندا، الماتى، جامبىل وبلىستارىنىڭ كەي جەرلەرىندە تۇمان، كوكتايعاق كۇتىلەدى، جەلدىڭ جىلدامدىعى 15-20 م/س، تۇندە 23-28 م/س كۇشەيەدى. شىعىس قازاقستان وبلىسىنىڭ جەكەلەگەن اۋماقتارىندا بۇرقاسىن، كوكتايعاق بولجانادى، جەلدىڭ كۇشى 15-20 م/س، كەي ۋاقىتتارى 25 م/س ارتادى.

تۇركىستان، قىزىلوردا وبلىستارىنىڭ كەي جەرلەرىندە تۇمان، كوكتايعاق كۇتىلەدى، جەلدىڭ ەكپىنى 15-20 م/س جەتەدى.

باتىس قازاقستان وبلىسىندا تۇندە تۇمان، كوكتايعاق كۇتىلەدى، كۇندىز جەل 15-20 م/س كۇشەيەدى.

اتىراۋ وبلىسىنىڭ كەي جەرلەرىندە تۇمان، كوكتايعاق، 15-23 م/س جىلدامدىقتاعى جەل بولجانادى.

اقمولا، سولتۇستىك قازاقستان، قوستاناي، پاۆلودار وبلىستارىنىڭ كەي جەرلەرىندە، سونداي-اق تۇمان كۇتىلەدى.

اقتوبە، قاراعاندى وبلىستارىن تۇمان باسىپ، جەلدىڭ كۇشى 15-20 م/س ارتادى.

سوڭعى جاڭالىقتار