تۇركىستاندا «تۇركىستان - ادالدىق الاڭى» جوبالىق كەڭسەسىنىڭ تانىستىرىلىمى ءوتتى

 تۇركىستان. قازاقپارات - بۇگىن تۇركىستان وبلىسىندا «تۇركىستان - ادالدىق الاڭى» اتتى جوبالىق كەڭسەسىنىڭ تانىستىرىلىمى ءوتتى.

 اتالمىش جيىنعا وبلىس اكىمى جانسەيىت تۇيمەبايەۆ پەن ورتالىق ورگانداردىڭ اۋماقتىق دەپارتامەنت باسشىلارى مەن وبلىستىق باسقارما باسشىلارى قاتىستى، دەپ حابارلايدى قازاقپارات ءتىلشىسى.

شارانى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ وڭىرلىك دەپارتامەنتى ۇيىمداستىردى. باسقوسۋعا سونداي- اق وبلىستىق ارنايى مونيتورينگتىك توپ ءتوراعاسى مەن كەڭسەلىك جوبا قىزمەتشىلەرى قاتىستى. جوبانىڭ تانىستىرىلىمى بارىسىندا ونىڭ ماقساتىنا توقتالدى. ايتۋلارىنشا، وندا تۇركىستان وبلىسىندا قوعامنىڭ مەملەكەتتىك بيلىك ينستيتۋتتارىنا سەنىمىن ارتتىرۋ مەن جەمقورلىق دەڭگەيىن تومەندەتۋ، سونىمەن قاتار قوعام اراسىندا سىبايلاس جەمقورلىقتى قابىلداماۋ مادەنيەتىن قالىپتاستىرۋ كوزدەلگەن. شارادا وسى جوبا جونىندە قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ باسشىسى عالىم تۇرسىنبايەۆ پەن وبلىس اكىمىنىڭ ورىنباسى مالىك وتاربايەۆ، وبلىس اكىمى اپپاراتىنىڭ باس ينسپەكتورى ەرلان مۇستافا بايانداما جاسادى.

 «جوبانى جۇزەگە اسىرۋ بارىسىندا كەلەسى سالالاردى قامتۋ كوزدەلىپ وتىر. ماسەلەن، تۇرمىستىق جەمقورلىقتى جويۋ جانە ازاماتتارعا قولايلى جاعداي جاساۋ، قوعامدىق باقىلاۋدى ىسكە اسىرۋ، سىبايلاس جەمقورلىققا قارسى مادەنيەتتى قالىپتاستىرۋ. اتالعان سالالار بويىنشا ء«بىلىم» ، «دەنساۋلىق ساقتاۋ» ، «حالىقتى الەۋمەتتىك قولداۋ» ، «ساۋلەت، قالا قۇرىلىسى جانە جەر قاتىناستارى» ، «مەملەكەتتىك كىرىستەر ورگاندارى» ، «سوت جانە قۇقىق قورعاۋ ورگاندارى» ، ء«بىرىنشى باسشىلاردىڭ دەربەس جاۋاپكەرشىلىگى» ءتارىزدى باعىتتار قامتىلادى. سونىمەن قاتار، جوبا بارىسىندا تالداۋ نەمەسە جەتىلدىرۋ وبەكتىسى بولاتىن مەملەكەتتىك مەكەمەلەرگە جانە دە، قوعام وكىلدەرىنە سىبايلاس جەمقورلىققا قارسى مادەنيەتتى قالىپتاستىرۋ ماقساتىندا اقپاراتتىق، زەردەلىك جۇمىستار جۇرگىزۋ كوزدەلىپ وتىر» ، - دەدى عالىم تۇرسىنبايەۆ.

 جيىندا بۇدان وزگە، الداعى ۋاقىتتا اتقارىلاتىن قىزمەتتەردىڭ جۇمىس بارىسى تالقىلاندى. وبلىس باسشىسى جانسەيىت تۇيمەبايەۆ بارلىق باسقارمالار مەملەكەتتىك قىزمەتتى كورسەتۋدە ازاماتتارعا قولايلى جاعداي جاساۋ كەرەكتىگىن تاپسىردى. سونىمەن قوسا، اشىقتىق پەن مەملەكەتتىك قىزمەتكەرلەردىڭ ادەبىن كوتەرۋ كەرەكتىگىن اتاپ ءوتتى.

 

ايتا كەتەيىك، اتالعان جوبانى بيىلعى جىلدىڭ 31 - جەلتوقسانىنا دەيىن جۇزەگە اسىرۋ كوزدەلۋدە. ءوز كەزەگىندە، جوبالىق كەڭسەنىڭ جۇمىس اتقارۋ مەرزىمى اگەنتتىك ءتوراعاسى مەن وبلىس اكىمىنىڭ بىرلەسكەن شەشىمىنە سايكەس ۇزارتىلۋى مۇمكىن.