ەلباسى نيكول پاشينياندى پرەمەر- مينيستر بولىپ تاعايىندالۋىمەن قۇتتىقتادى

 استانا. قازاقپارات - نۇرسۇلتان نازاربايەۆ نيكول پاشينيانعا ارمەنيا رەسپۋبليكاسىنىڭ پرەمەر- ءمينيسترى لاۋازىمىنا تاعايىندالۋىنا بايلانىستى قۇتتىقتاۋ جەدەلحاتىن جولدادى، دەپ حابارلايدى اقوردانىڭ رەسمي سايتى.

مەملەكەت باسشىسى نۇرسۇلتان نازاربايەۆ نيكول پاشينياندى ارمەنيا رەسپۋبليكاسىنىڭ پرەمەر- ءمينيسترى بولىپ تاعايىندالۋىمەن قۇتتىقتادى.

«دوستىق پەن تۇسىنىستىككە نەگىزدەلگەن استانا مەن ەريەۆان اراسىنداعى ءوزارا ءتيىمدى قارىم- قاتىناستار حالىقتارىمىزدىڭ يگىلىگى جولىندا ودان ءارى نىعايا تۇسەدى دەپ سەنەمىن.

سىزگە زور دەنساۋلىق پەن كۇش- قايرات، جاۋاپتى قىزمەتىڭىزگە مول تابىس، ال بارشا دوستاس ارمەنيا حالقىنا بەيبىت ءومىر مەن بەرەكە تىلەيمىن» ، - دەلىنگەن جەدەلحاتتا.