قازاقستاندىق مەملەكەتتىك قىزمەتكەرلەر مەيرامحاناعا بارۋدان قورقىپ قالعان
بۇل تۋرالى «استانا» ارناسى حابارلايدى.
ەسكە سالا كەتسەك، بۇعان دەيىن قازاقستاندا مەملەكەتتىك قىزمەتكەرلەر الەۋمەتتىك جەلىلەردە مەرەكەلىك شارالاردا تۇسىرىلگەن داستارحان نەمەسە باقۋاتتى ومىردەن كورىنىس بەرەتىن بوكالداعى شاراپ سۋرەتتەرىن جاريالاعانى ءۇشىن جازالانا باستاعان ەدى. ارنايى قىزمەتتەر مەملەكەتتىك قىزمەتكەرلەردىڭ الەۋمەتتىك جەلىدەگى پاراقشاسىن باقىلاپ، سونىمەن قاتار عيماراتتىڭ الدىندا قىزمەت كولىگى بار- جوعىن تەكسەردى.
ەندىگى مەملەكەتتىك قىزمەتكەرلەر وزگەلەر ءوزىن دۇرىس تۇسىنبەس ءۇشىن جانە مىنەز- قۇلىق نورمالارىن بۇزدى دەپ ايىپتالماس ءۇشىن ءدامحانا مەن مەيرامحانالاردا تاماقتانۋدان قورقاقتاپ قالعان. ءتىپتى، ولار كورپوراتيۆ جاسامايتىن بولىپتى.
ءوز كەزەگىندە بۇل جاعداي ءدامحانا مەن مەيرامحانالاردىڭ تابىسىنا اسەر ەتۋدە، دەيدى سولتۇستىك قازاقستان وبلىسىنداعى مەيرامحانا جانە قوناق ءۇي يەلەرىنىڭ قاۋىمداستىعىنىڭ ءتوراعاسى سايران حامزين.
بۇل ورايدا وبلىستا بىردە- ءبىر مەملەكەتتىك قىزمەتكەردىڭ ماس كۇيىندە جۇرگەنى كوزگە تۇسپەگەنى اتاپ ءوتىلدى.
Stan.kz