باس اۋرۋىنىڭ ءبىز بىلمەيتىن سەبەپتەرى

None
None
 استانا. قازاقپارات - باس اۋرۋى -  ادامعا ءارتۇرلى دارەجەدەگى اۋىرسىنۋ اكەلەتىن جانە كوپ قولايسىزدىق تۋدىراتىن سىرقات.

وعان سەبەپ كوپ: پسيحيكالىق جانە ەموتسيالىق شارشاۋ، باس ميى تامىرلارىنىڭ سكلەروزى، باس ساقيناسى، ميدىڭ ورگانيكالىق اۋرۋلارى (ىسىك، ينسۋلت جانە ت. ب. ) جانە باسقالار. باس اۋىرعاندا اۋىرسىنۋدى جوياتىن دارىلەر ءىشۋ مىندەتتى ەمەس. حالىق ەمىنىڭ باس اۋىرعاندا كومەكتەسەتىن كوپتەگەن ادىستەرى بار، ءبىراق الدىمەن دارىگەرگە بارىپ، اۋرۋ سەبەبىن ءدال انىقتاپ العانىڭىز دۇرىس.

 مامانداردىڭ ايتۋىنشا باس اۋرۋى 45 ءتۇرلى اۋرۋدىڭ بەلگىسى رەتىندە كورىنىس تاباتىن كورىنەدى. سوندىقتان اۋرۋدى باسۋ ءۇشىن الدىمەن سەبەبىن انىقتاۋ قاجەت.

 كوفەين

 كوفەين شەكتەلگەن شامادا ادام اعزاسى ءۇشىن زيان ەمەس، ءتىپتى پايدالى. ايتا كەتسەك ول بىرنەشە دارىلەردىڭ قۇرامىنا كىرەدى. الايدا كوفەنى ءجيى، تۇراقتى تۇردە كوپ ءىشۋ تۇراقتى باس اۋرۋىنىڭ پايدا بولۋىنىڭ سەبەبى بولا الادى. كۇندەلىكتى ىشەتىن كوفەنىڭ شاماسىن قىسقارتىڭىز، الايدا بىردەن كوفەدەن مۇلدەم باس تارتقان دا دۇرىس ەمەس.

 سىر

 باستىڭ اۋرۋى قاراپايىم كۇندەلىكتى جەيتىن سىرعا بايلانىستى بولۋى مۇمكىن. اسىرەسە كوگىلدىر سىر، چەددەر، پارمەزان مەن شۆەيتساريالىق سىرلار باس اۋرۋىن تۋعىزادى. باسقا وسى سىرلاردىڭ قۇرامىنداعى تيرامين اتتى زات اسەر ەتەدى. سىر ۇزاعىراق تۇرعان سايىن ىشىندەگى تيرامين كورسەتكىشى وسەدى.

 شۇجىق

 شۇجىقتاردىڭ قۇرامىندا باس اۋرۋىن تۋعىزاتىن تيرامين مەن نيتريتتار اتتى حيميالىق قوسىلعىشتار بار. تاعامعا قوسىلاتىن حيميالىق تۇزەمدەر كەيبىر ادامداردا باس اۋرۋىن تۋدىرۋى مۇمكىن.

 اشتىق

 اس ۋاقىتىن جىبەرىپ الىپ، تاماقتانىپ ۇلگەرمەسەڭىز، باستىڭ اۋرۋى اشتىق سەزىمىنەن دە بۇرىن سەزىنەسىز. ماسەلە قاننىڭ قۇرامىنداعى گليۋكوزا شاماسىنىڭ ازايۋىندا. مۇنداي كەزدەرى تىسكەباسار (ءتاتتى كامپيتتەر، شوكولاد، پەچەنە) كومەككە كەلە المايدى، ودانشا تولىققاندى اس ءىشىڭىز.

 تەمەكى شەگۋ

 تەمەكى شەگۋ باستىڭ اينالىپ، اۋىرىۋىنىڭ بىردەن- ءبىر سەبەبى. تەمەكى شەگىپ تۇرعان كىسى ءوزىنىڭ دە، قاسىنداعىلاردىڭ دا دەنساۋلىعىنا ۇلكەن زارداپ تيگىزەتىنى بەلگىلى. نيكوتينمەن دەم الۋ ميداعى قان تامىرلارىنىڭ تارىلۋىنا اكەلەدى، ناتيجەسىندە باسىڭىز قاتتى اۋىرادى. تەمەكى شەگۋدى قويىپ، شىلىم شەككەن ادامداردىڭ قاسىندا تۇرۋدان باس تارتساڭىز تۇسىنىكسىز باس اۋرۋلارىنان ساۋىعا الاسىز.

 سترەسستىك جاعدايلار باس اۋرۋىنىڭ باستى سەبەپتەرىنىڭ ءبىرى.

كۇندەلىكتى ءبىر ورىندا جۇمىس ىستەيتىندەر باس اۋرۋىنا جيىرەك شالدىعادى. باس اۋرۋىن تەز جازا الاتىن وڭاي داۋالاردىڭ ءبىرى - جەڭىل فيزيكالىق جاتتىعۋلار. جۇمىس ورنىنان تۇرىپ، كەڭسەنى ءبىر اينالىپ كەلىڭىز. دالاعا شىعىپ قول مەن اياققا جەڭىل جاتتىعۋلار جاساڭىز.

سوڭعى جاڭالىقتار