شەت ەلدە جۇمىس ىستەگىسى كەلەتىن ماماندار ءۇشىن ەڭ قولايلى مەملەكەتتەردىڭ ءتىزىمى جاسالدى

 استانا. قازاقپارات - گەرمانيا - وتانىنان كەتىپ، شەت ەلدە جۇمىس ىستەگىسى كەلەتىن بىلىكتى شەتەلدىك ماماندار ءۇشىن ەڭ قولايلى مەملەكەت. ءدال وسىندا مامانداردىڭ مانسابىندا ورلەۋى ءۇشىن جاقسى مۇمكىندىكتەر جاسالعان.

ءتيىستى زەرتتەۋ جۇرگىزگەن ۇلى بريتانيانىڭ HSBC بانكى وسىنداي قورىتىندىنى ۇسىنىپ وتىر.

شەت ەلدە جۇمىس ىستەگىسى كەلەتىن ماماندار ءۇشىن ەڭ قولايلى مەملەكەتتەردىڭ ءتىزىمى جاسالدى

بۇل تۋرالى Bloomberg باسىلىمى حابارلايدى.

تىزىمدەگى ەكىنشى ورىنعا باحرەين، ءۇشىنشى ورىنعا بريتانيا جايعاستى. مامانداردىڭ سوزىنشە، لوندون شەتەلدىكتەردىڭ كەلۋىنە قاتاڭ شەكتەۋ قويعانىمەن، ءوز پوزيتسياسىن جاقسارتقان. باسىلىم مالىمەتىنشە، مەملەكەتتىڭ پرەمەر- ءمينيسترى تەرەزا مەي تەك جوعارى بىلىكتىلىككە يە جۇمىسشىلارعا باسىمدىق بەرىپ، ەلدەگى ميگرانتتار سانىن ازايتپاق.

ماماندار جاساعان ءتىزىمنىڭ بەستىگىنە بىرىككەن اراب امىرلىكتەرى مەن شۆەيتساريا كىردى. ولاردان كەيىن شۆەتسيا، سينگاپۋر جانە ا ق ش جايعاسقان. ال وندىقتى كانادا مەن گونكونگ اياقتادى. اتالعان تىزىمگە رەسەي ەنبەگەن.

HSBC جۇرگىزگەن زەرتتەۋ بارىسىندا 2018 -جىلدىڭ ناۋرىز- ءساۋىر ايلارىنىڭ ارالىعىندا 20 مىڭنان اسا شەتەلدىك مامان ساۋالناماعا قاتىسقان.

Stan.kz