12:45, 15 - قاڭتار 2019 | GMT +6
ۇلتتىق ناقىشتا اشەكەي تاعىپ، قامزول كيگەن قازاق قىزدارىنا ەل ريزا بولدى
استانا. قازاقپارات - شىرىن نارچيەۆانىڭ جالاڭاش دەنەسىنە ۇلتتىق بۇيىمدى تاققان ۆيدەوسىنان سوڭ، الەۋمەتتىك جەلىدە اپالى-ءسىڭلىلى قوس قىزدىڭ قازاقى بۇيىمدار مەن قامزول كيگەن ۆيدەوسى تاراپ كەتتى دەپ جازادى NUR. KZ.
تارازدىڭ 18 جاستاعى سۇلۋى ءوزىنىڭ Instagram پاراقشاسىندا ءسىڭلىسى ەكەۋىنىڭ سۋرەتتەرىن ءجيى جاريالاپ تۇرادى.
الايدا ەلدىڭ ەرەكشە نازارىن اۋدارعانى قوس قىزدىڭ ۇلتتىق كيىمدەگى ۆيدەوسى.
جەلى قولدانۋشىلارى بويجەتكەندەرگە ريزا بولىپ، سۇيسپەنشىلىكتەرىن تانىتقان.
«قازاقتىڭ قىزدارى ءدال سەندەردەي بولسىن»، «قانداي سۇلۋسىڭدار»، «وتە ادەمى»، «ساۋكەلە كورسەك، جالاڭاشتانادى ما» دەپ شوشيتىن بولدىق»، «بۇل ۆيدەولارىڭ جەرلەستەرىڭ شىرىنعا جاقسى جاۋاپ بولدى».
«قازاقتىڭ ۇلتتىق كيىمى كەرەمەت جاراسادى ەكەن»، «ادەمىسىڭدەر»، «ءتىل-كوزىم تاسقا. سەندەرگە ەلىكتەيتىن قىزدار كوپ بولسىن» دەپ جەلىدەگىلەر جارىسا پىكىر بىلدىرگەن.