10:02, 15 - قاڭتار 2019 | GMT +6
حالىقارالىق فۋتبول فەدەراتسياسى كاتارداعى الەم چەمپيوناتىنا قاتىسۋشىلار سانىن كوبەيتۋى مۇمكىن
استانا. قازاقپارات - حالىقارالىق فۋتبول فەدەراتسياسى (ف ي ف ا) وسى اپتادا مارراكەشتە 2022-جىلى كاتاردا وتەتىن الەم چەمپيوناتىنا قاتىسۋشىلار سانىن كوبەيتۋ يدەياسىن تالقىلايدى.
بۇل تۋرالى Maghreb Arabe Press-كە دۇيسەنبى كۇنى ف ي ف ا پرەزيدەنتى دجانني ينفانتينو مالىمدەدى، دەپ حابارلايدى قازاقپارات.
«الداعى كەزدەسۋ ۇلتتىق قاۋىمداستىقتاردىڭ ۇسىنىستارىن - كەلەسى تۋرنيردەن باستاپ فۋتبولدان الەم چەمپيوناتىنا قاتىساتىن ف ي ف ا مۇشەلەرىنىڭ سانىن 48 قۇراماعا جەتكىزۋ ۇسىنىسىن زەرتتەۋگە ارنالادى»، - دەپ اتاپ ءوتتى ول.
بۇدان بۇرىن 2026-جىلى فۋتبولدان الەم چەمپيوناتىنا 48 كوماندانىڭ قاتىساتىنى تۋرالى شەشىم قابىلدانعان ەدى. ال ونى 2022-جىلعى دوپ دوداسىندا باق سىنايتىنداردىڭ سانىن 32 دەن 48 گە ارتتىرۋ ماسەلەسى تالقىلانىپ جاتىر.