بيلەر كەڭەسى تيىمدىلىگىن تانىتا باستادى
«بيلەر كەڭەستەرىنىڭ مۇشەلەرى ءوزىنىڭ ومىرلىك تاجىريبەلەرىنە سۇيەنىپ، تاراپتاردى تاتۋلاستىرۋ جولىمەن كۇردەلىلىگى ءارتۇرلى دەڭگەيدەگى جانجالداردى شەشۋگە دە، وتباسى ىشىندە تۋىندايتىن داۋلاردى شەشۋگە دە كومەكتەسەدى. داۋلاردىڭ تۇپكىلىكتى شەشىلۋى، جانجالداسقان تاراپتاردىڭ ءبىر- بىرىنە دەگەن جاقتىرماۋشىلىق، جانجالدان كەيىن كوڭىلدە قالاتىن ۇنامسىز كىربىڭ، ۇناپتاۋشىلىق سياقتى جاعىمسىز سەزىمدەرىنىڭ قالماۋى بيلەر كەڭەستەرى جۇمىستارىنىڭ بىرەگەيلىگىن ايقىندايدى. ونىڭ ۇستىنە بۇل داۋلار سوتقا دەيىن شەشىلەدى» - دەىلگەن حابارلامادا.
وسىلايشا، بيلەر كەڭەسىنىڭ وتىرىسىندا ەرلى- زايىپتىلاردىڭ اراسىندا بولعان جانجالدىڭ بىرىندە نەكەنىڭ بۇزىلۋىنا تۇرتكى بولعان سەبەپ انىقتالدى. بۇل - جۇبايىنىڭ الكوگولدىك ىشىمدىكتى شامادان تىس پايدالانۋى بولعان ەكەن. كەڭەستىڭ مۇشەلەرى ەر ازاماتقا اقىلىن ايتىپ، ونى ايەلىمەن تاتۋلاستىرىپ، وتباسىنى ساقتاپ قالدى.
سونىمەن قاتار بيلەر كەڭەسىنىڭ ارقاسىندا كورشىلەس ەكى اۋىلدىڭ وكىلدەرى اراسىندا بولعان جانجال توقتادى. بيلەر كەڭەسى مۇشەلەرىنىڭ دانالىعى مەن مول ومىرلىك تاجىريبەسى اۋىل تۇرعىندارىنىڭ اراسىندا ءورشىپ تۇرعان داۋداعى شيەلەنىستى توقتاتىپ، سوڭىندا قول جەتكىزگەن بەيبىتشىلىكتى داۋلاسۋشى تاراپتاردىڭ ءبىر- بىرىنەن كەشىرىم سۇراعانىمەن بەكىتتى.
اۋدان باسشىلارى، اۋىلدىق وكرۋگتەردىڭ اكىمدەرى جانە مەدياتورلار بيلەر كەڭەسىنىڭ حالىق اراسىندا تاربيە جانە الدىن الۋ جۇمىستارىن وتكىزۋگە قوسىپ جاتقان مول ۇلەسىن ەرەكشە اتايدى.
سولتۇستىك- قازاقستان وبلىستىق سوتى ءۋاليحانوۆ اۋدانى بيلەر كەڭەستەرىنىڭ تاجىريبەسىن كەڭىنەن تاراتۋ جۇمىسىن باستاپ كەتتى.