استانادا قازاق ءتىلىن تەگىن وقۋ كۋرستارىنا جازىلۋ باستالدى

 استانا. قازاقپارات - ەلوردانىڭ كەز كەلگەن تۇرعىنى قازاق ءتىلىن تەگىن وقىتۋ كۋرستارىنا جازىلا الادى، دەپ حابارلايدى استانا اكىمدىگىنىڭ رەسمي سايتى.

تىلدەردى دامىتۋ جانە ارحيۆ ءىسى باسقارماسى، «رۋحانيات» كوممۋنالدىق مەملەكەتتىك مەكەمەسى 2019 -جىلى ەلوردالىق ەرەسەك تۇرعىندارعا قازاق ءتىلىن قاراپايىم دەڭگەيدەن جوعارى دەڭگەيگە دەيىن مەڭگەرۋ بويىنشا تەگىن وقىتۋ كۋرسىنا جازىلۋ باستالعانىن حابارلايدى.

ۆەدومستۆودا مالىمدەگەندەي، قازاق ءتىلىن مەڭگەرۋگە ارنالعان تەگىن كۋرستار 2019 -جىلدىڭ قاڭتار- قاراشا ايلارىنىڭ ارالىعىندا قالاننىڭ ءتورت اۋدانىنداعى وقۋ زالدارىندا وقىتىلاتىن بولادى.

كۋرس بارىسىندا تىڭداۋشىلار قاجەتتى وقۋ قۇرالدارىمەن قامتىلادى.

كۋرسقا جازىلۋ جانە وزگە دە سۇراقتار بويىنشا 87172779337 بايلانىس نومىرىنە حابارلاسۋعا نەمەسە [email protected] ەلەكتروندىق پوشتاسىنا حابارلاما جولداۋعا بولادى.