​ قازاقستاننىڭ ءۇش وبلىسىندا اۋا رايىنا بايلانىستى ەسكەرتۋ جاسالدى

استانا. قازاقپارات - سينوپتيكتەر ەلىمىزدىڭ الماتى، جامبىل جانە تۇركىستان وبلىستارىندا اۋا رايىنا بايلانىستى ەسكەرتۋ جاسادى، دەپ حابارلايدى «قازگيدرومەت» .

15-16 - قاڭتار كۇندەرى جامبىل، تۇركىستان وبلىستارىنىڭ جانە 16 - قاڭتاردا الماتى وبلىسىنىڭ تاۋلى وزەندەرىندە جاۋىن- شاشىننىڭ مول جاۋۋىنا بايلانىستى سۋ دەڭگەيىنىڭ كوتەرىلۋى ىقتيمال.

 15 - قاڭتار كۇنى كۇندىز تۇركىستان وبلىسىنىڭ كەيبىر جەرلەرىندە جاۋىن- شاشىن مول ءتۇسۋى ىقتيمال. تاۋلىك ىشىندە كەي جەرلەردە تۇمان ءتۇسىپ، كوكتايعاق بولادى، وڭتۇستىك- باتىستان سوعاتىن جەلدىڭ جىلدامدىعى 15-20 م/س، ەكپىنى 23-28 م/س دەيىن جەتەدى.

15-16 - قاڭتار كۇندەرى جامبىل وبلىسىندا وڭتۇستىك- باتىستان، باتىستان قاتتى جەل سوعىپ، جىلدامدىعى كەي جەرلەردە 15-20 م/س دەيىن جەتەدى، 15- قاڭتار كۇنى كۇندىز، 16 - قاڭتار تۇنىندە جەل 23-28 م/س جىلدامدىقپەن ۇيتقيدى. كەي جەرلەردە تۇمان ءتۇسىپ، كوكتايعاق بولادى.