+7 (701) 759 90 19 Лента
16 °С : نۇر-سۇلتان
16 °С : الماتى
USD 386.82 EUR 428.67
RUB 5.86 CNY 54.95
جاڭالىقتار

ۇلكەن الماتى كولىندە سىرعاناعان قىز رەسەيدە شوۋ باعدارلاماعا قاتىستى

14 قاڭتار 16:51 455
:ءبولىسۋ
ۇلكەن الماتى كولىندە سىرعاناعان قىز رەسەيدە شوۋ باعدارلاماعا قاتىستى

 الماتى. قازاقپارات - ۇلكەن الماتى كولىندە سىرعاناپ، كوپشىلىككە تانىلعان الماتىلىق بويجەتكەن كسەنيا پانكراتوۆا رەسەيدىڭ «پەرۆىي كانال» ارناسىنداعى باعدارلامادا قوناقتا بولدى.

مانەرلەپ سىرعاناۋشى ءوزىنىڭ رەسەيگە ساپارى جونىندە قازاقپارات تىلشىسىنە ايتىپ بەردى.

ميلليوننان اسا ادام تاماشالاعان ۆيدەونى الەكساندر سمول جۇرگىزەتىن «ۆيدەلي ۆيدەو؟ » باعدارلاماسى سيۋجەتكە لايىق دەپ تاپتى.

باعدارلاما قوناقتارى دا سۇحبات ۇستىندە بويجەتكەننىڭ تالانتى مەن قازاقستاننىڭ تابيعاتىنا تامسانۋمەن بولدى.

«ۆيدەوعا قاراپ نە ايتۋعا بولادى؟ ارتىستىك - 10, تەحنيكا - 10, 1 ميلليون ادام قاراعان» ، - دەدى ۆيدەونى تاماشالاعان سوڭ جۇرگىزۋشى.

سپورتشىنىڭ قابىلەتىن رەسەي كونكي سپورتىنىڭ ەڭبەك سىڭىرگەن سپورت شەبەرى الەكساندر كيبالكو باعالادى.

«بىزدە مۇنداي مۇز ايدىنى بولادى. ءبىراق ول شاتىردىڭ ۇستىندە بولادى. بۇل جەردە مىناداي مۇزدى پايدالانباۋ مۇمكىن ەمەس. كەرەمەت ۆيدەو! وسى سپورتتى ناسيحاتتاپ جاتقانىڭىزعا العىس ايتامىن» ، - دەدى رەسەي كونكيشىسى.

شوۋدا كسەنيا ۇلكەن الماتى كولىندەگى ونەرى قانداي شۋ تۋعىزعانىن ايتىپ بەردى.


Үлкен Алматы көлінде сырÒ

«ۇلكەن الماتى كولى - الماتىنىڭ جاۋھارلارىنىڭ ءبىرى. كول تەڭىز دەڭگەيىنەن 2500 مەتر بيىكتىكتە ورنالاسقان. اينالاسىن تاۋ قورشاپ تۇر. بۇل - قالامىزدىڭ جۇرەگى. كول ستراتەگيالىق نىسان بولىپ تابىلادى. وعان شىعۋعا رۇقسات ەتىلمەگەن. بۇل نىساندى شەكارا ساقشىلارى كۇزەتەدى. ءبىز سول كۇنى دوستارىمىزبەن بىرگە كولگە باردىق. ول جەردە ادامدار كوپ ءجۇر ەكەن. اراسىندا سىرعاناپ جاتقاندارى دا بار. مەن دە سىرعانايىن دەپ شەشتىم. ءبىراق مەنىڭ روليگىمدى كورگەن ادامدار بىردەن الەۋمەتتىك جەلىدە تالقىعا سالا باستادى. مىنا قىزدى وتىرعىزۋ كەرەك، 15 تاۋلىككە جابۋ كەرەك دەگەندەر بولدى. مەنى پوليتسياعا شاقىردى» ، - دەدى كسەنيا.

بويجەتكەن بولاشاقتا وسىنداي ۆيدەولاردى كوپتەپ تۇسىرمەكشى ەكەنىن ايتتى.

«ءبىرىنشى كەزەكتە ەلىمنىڭ كوركەم جەرلەرىن كورسەتكىم كەلدى. بىزدە عاجاپ جەرلەر وتە كوپ. جاقىندا مەدەۋدە وسىنداي ۆيدەو تۇسىردىك» ، - دەدى ك. پانكراتوۆا.

شوۋ قاتىسۋشىلارى، ساراپشىلار كسەنياعا قازاقستاننىڭ ءتۋريزمىن دامىتۋعا ق ر مادەنيەت جانە سپورت مينيسترلىگىنەن ۇسىنىس ءتۇسۋى كەرەكتىگىن ايتتى.

كسەنياعا امەريكادان ادامدار حات جازعان. ولار كسەنيانىڭ پەرفومانسىن امەريكالىق شوۋدا كورسەتۋگە رۇقسات سۇراعان.

«ولاردىڭ پاراقشالارىندا كۇن سايىن بۇل شوۋدى 2 ميلليون ادام قارايدى. ولار مەنىڭ ۆيدەومدى الەۋمەتتىك جەلىگە سالماق. بۇل روليك تۋريزمدى دامىتۋعا ىقپال ەتەدى دەپ ويلايمىن» ، - دەدى فيگۋريست.

ايتا كەتۋ كەرەك، «ۆيرۋستى بەينەروليك» الەۋمەتتىك جەلىدە كەڭ تاراپ كەتتى. بۇل بەينەروليكتى 2 اپتا ىشىندە 1 ميلليون ادام تاماشالاعان.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات