ىقىلىق نە ءۇشىن تيەدى جانە ونىمەن قالاي كۇرەسۋگە بولادى؟

None
None
استانا. قازاقپارات - ەرتە مە، كەش پە ءارقايسىمىزعا ىقىلىق تيەدى. عالىمدار ءتىپتى اناسىنىڭ جاتىرىندا جاتقان بالالاردىڭ دا ىقىلىقتايتىنىن انىقتادى.

بۇل قولايىزدىق نە ءۇشىن بولادى جانە ول قانشالىقتى قاۋىپتى، جالپى ودان قالاي قۇتىلۋعا بولادى. بۇل جايلى Stan.kz اقپاراتتىق اگەنتتىگى پايدالى مالىمەت ۇسىنادى.

ىقىلىق تيۋ سەبەبى بەلگىسىز

وسى ۋاقىتقا دەيىن نەلىكتەن ءبىزدىڭ ەشقانداي سەبەپسىز ىقىلىقتايتىنىمىزدى ەشكىم بىلمەيدى. مۇندا، بۇل پروبلەما قانشا ۋاقىتقا سوزىلادى جانە ىقىلىقتىڭ اعزاعا قانداي پايداسى بار دەگەن تاعى ءبىر ريتوريكالىق سۇراق تۋادى. عالىمداردىڭ ايتۋىنشا، بۇل قۇبىلىس ديافراگما ارقىلى وتەتىن نەرۆتىك تۇيىندەردىڭ تىتىركەنۋى ناتيجەسىندە پايدا بولادى. ءبىراق بۇل تىتىركەنۋدىڭ نە ءۇشىن تۋاتىنى ءالى دە قۇپيا بولىپ قالا بەرەدى.

كەيبىرەۋلەرى ىقىلىق -  جۇقپالى اۋرۋلاردىڭ ءبىر ءتۇرى دەپ ساناسا، ال باسقالارى ميدا وڭەش سپازماسىن تۋدىراتىن ىقىلىق ورتالىعىنىڭ بار ەكەنىن جانە بۇل مەحانيزم ءبىزدى زياندى ارتىق تاماقتانۋ مەن ىشۋدەن قورعايتىنىن ايتادى. ءبىراق، دارىگەرلەردىڭ كوبىسى ىقىلىقتى اعزانى قاقىرىقتان تازارتاتىن جوتەلگە قاراعاندا بۇل قۇبىلىستان ەشقاشان قۇتىلمايسىڭ، ونىڭ ەشقانداي پايداسى جوق دەگەندى مويىندامايدى.

فيزيولوگيا تۇرعىسىنان، ىقىلىق ارنايى ەمەس تىنىس الۋ بۇزۋشىلىعى بولىپ تابىلادى. بۇل - ءبىرتۇرلى فەنومەندى سۇيەمەلدەيتىن وزىنە ءتان دىبىس ديافراگمانىڭ (كەۋدە جانە ءىش قۋىستارىن بولەتىن بۇلشىق ەت كەدەرگىسى) دىرىلدەۋىنىڭ قىسقارۋىنان تۋىندايتىن داۋىس شىمىلدىعىنىڭ ارالىعىنىڭ بىردەن جابىلىپ قالۋىنىڭ سالدارى بولىپ تابىلادى. ديافراگما قىسىمى مەن دىبىستىڭ پايدا بولۋ ۋاقىتى سەكۋندتىڭ تەك 35 مىڭى عانا. ول ۋاقىتتا ادام دەم المايدى.

دارىگەرلەر وسىنداي كەنەتتەن تۋىندايتىن دىبىستاردىڭ پايدا بولۋىنىڭ كوپتەگەن سەبەپتەرى بار دەيدى. ولار قاتتى توڭىپ قالۋ (اسىرەسە كىشكەنتاي بالالاردا)، اسقازاننىڭ شامادان تىس سوزىلۋى (شامادان تىس تابەتكە بايلانىستى)، تاعامدى نەمەسە سۋدى ىشكەن كەزدەگى شامادان تىس اسىعۋشىلىق، جۇيكە سوققىسى جانە تاعى باسقالار.

ادەتتە، فۋنكتسيونالدى نەمەسە جۇيكە ىقىلىعى جۇيكە جۇيەسى ءالسىز ادامداردا تۋىندايدى. مۇنداي ىقىلىق تىنىشتانعاننان كەيىن جوعالادى. ال ادام الكوگول ىشكەندە تولاسسىز ىقىلىقتاۋى مۇمكىن. سونداي-اق ، سۋلفانيلاميد سياقتى كەيبىر دارىلەردى قابىلداۋ كەزىندە دە تۋىنداعان جالپى ينتوكسيكاتسيا وسىنداي رەاكسيا بەرۋى مۇمكىن.

ەرەكشە سيمپتوم

سىرتقى سەبەپتەردەن تۋىنداعان ىقىلىق مۇلدە ءقاۋىپسىز. ول وزدىگىنەن كەتەدى. ءبىراق سوزىلمالى، اۋىرتاتىن ىقىلىق بەلگىلى ءبىر اۋرۋدىڭ بەلگىسى بولۋى مۇمكىن. مىسالى، ءىش قۋىسىنداعى قابىنۋ پروتسەسى نەمەسە وكپەنىڭ قابىنۋى ءجيى ديافراگمانى تىتىركەندىرەدى، ال بۇل مازانى قاشىراتىن، سوزىلمالى ىقىلىققا اكەلەدى.

بۇل بەلگى كەيدە وكپە نەمەسە باۋىردىڭ قاتەرلى ىسىگى سياقتى قورقىنىشتى اۋرۋلاردىڭ بەلگىسى بولۋى مۇمكىن. ال دىبىسى بار جانە جۇرەك سوعىسىن جىلدامداتاتىن ديافراگما سپازمى، ديافراگمانىڭ وڭەش تەسىگىندە جارانىڭ پايدا بولعانىن كورسەتۋى مۇمكىن. سونىمەن بىرگە، اسقازانعا نەمەسە ومىرتقاسىنا وتا جاساتقان ادامدار كوبىنەسە ىقىلىقتىڭ پايدا بولۋىنا اكەلەتىن تىنىس الۋ بۇزىشۋلىقتارىن سەزىنەدى. ىقىلىق باس جانە جۇلىننىڭ كەيبىر اۋرۋلارىندا، سونداي- اق ميوكارد ينفاركتىسىندە، جۇقپالى اۋرۋلاردا جانە پسيحيكالىق قوزۋ كەزىندە جيى پايدا بولادى.

ءبىراق، ىقىلىق ەكى كۇنگە نەمەسە ودان دا ۇزاق سوزىلعان جاعدايدا دارىگەرگە كورىنۋ قاجەت. ۇزاق ۋاقىتقا سوزىلعان جانە ءىشتىڭ اۋىرسىنۋىمەن جانە جۇرەك اينۋمەن قاتار جۇرەتىن ىقىلىق ىشەك جاراسى نەمەسە اسقازان ىسىگى، سونداي- اق باۋىردىڭ، ءوت قابىنىڭ نەمەسە ۇيقى بەزىنىڭ اۋرۋى بولۋى مۇمكىن.

سونداي-اق، ىقىلىق ۇستاماسى ۇزاققا سوزىلعان جاعدايدا، دارىگەرگە قارالۋ كەرەك. ال ەگەر ىقىلىق كەزىندە قۇسساڭىز، اسىرەسە قۇسۋ كەزىندە قان بولسا تەز ارادا جەدەل جاردەم شاقىرتۋ قاجەت. ەگەر ءسىز ءجيى ىقىلىقتاساڭىز نەمەسە ول ۇزاققا سوزىلسا، وندا باري قوسپاسىن قابىلداعاننان كەيىن رەنتگەندىك تەكسەرۋ جاساتىڭىز. بۇل وڭەشتە قانداي دا ءبىر مەحانيكالىق كەدەرگىنىڭ بار-جوعىن انىقتاۋعا كومەكتەسەدى. ال باسقا سەبەپتەر بويىنشا پايدا بولعان ىقىلىقتى جويۋ ءۇشىن، دارىگەر بۇل جايسىزدىقتىڭ نەگە بايلانىستى تۋىنداعىنىنا قاراپ ءدارى-دارمەك تاعايىنداۋى مۇمكىن.

ىقىلىقپەن كۇرەسۋ ادىستەرى

ەگەر ىقىلىق اۋرۋمەن بايلانىستى بولماسا، ودان ءارتۇرلى تاسىلدەرمەن قۇتىلۋعا بولادى.

- مىسالى، گيپپوكرات وسىنداي جاعدايلاردا تۇشكىرۋگە تىرىسۋ كەرەك دەيدى. تاعى ءبىر ءادىسى - دەمىڭىزدى ۇزاق ۋاقىت بويى ۇستاپ تۇرۋ جانە ءوزىڭىزدى الاڭداتاتىن ماسەلەنى ويلاماۋعا تىرىسىپ، باسقا لايىقتى نارسەگە نازار اۋدارۋ. ەگەر ۇزاق ۋاقىت بويى دەم الماي تۇرا الماساڭىز، وندا باسىڭىزعا پوليەتيلەندى پاكەت كيىپ كورىڭىز. بۇل قانداعى كومىرتەگى ديوكسيدىنىڭ كونتسەنتراتسياسىن ارتتىرۋعا كومەكتەسەدى جانە سايكەسىنشە سپازمدى بوساتادى.

- ەگەر جاڭا تۋىلعان نارەستە تاماقتانعاننان كەيىن ىقىلىقتايتىن بولسا، وندا بالانى تىگىنەن كوتەرىپ ءجۇرىڭىز دە، ارقاسىن سيپالاڭىز. سوندا اۋا شىعىپ، ىقىلىق توقتايدى.

-  كەيدە كىشكەنتاي بالالاردىڭ ىقىلىقتاۋ سەبەبى قاتتى توڭىپ قالۋدان بولادى. سوندىقتان، بالاعا سۋىق ەمەس پە سونى تەكسەرىڭىز. ەگەر بالا توڭىپ قالسا، ونى جىلىلاپ وراڭىز، سوندا از ۋاقىتتان كەيىن ىقىلىق كەتەدى.

- ەگەر ۇلكەن جاستاعى بالا ىقىلىقتايتىن بولسا، وندا وعان سۋ بەرىپ كورىڭىز. سەبەبى، ول تىم كوپ تاماق ءىشىپ قويۋى نەمەسە استى اسىعىس ىشكەن بولۋى مۇمكىن.

-  ىقىلىقتان جىلدام قۇتىلۋدىڭ ادىستەرىنىڭ قاتارىندا مىنالار دا بار: ىقىلىق تيسە الدىڭىزداعى ۇستەلدىڭ ۇستىنە سۋ قۇيىلعان كەسە قويىپ، قولىڭىزدى ايقاستىرىپ، تومەنگە ءيىلىڭىز دە، قولدىڭ كومەگىنسىز ەرنىڭىزبەن توستاعانعا دەيىن جەتىپ، سۋ ءىشىڭىز.

- كەيبىرەۋلەر سۋسىز، ءبىر قاسىق قۇمشەكەر جەۋگە كەڭەس بەرەدى. بولماسا اشى نەمەسە قىشقىل نارسە، سونداي-اق ءبىر كەسەك مۇز جەۋگە بولادى. ەگەر اۋىرتاتىن ىقىلىق بولسا، جىلى سۋسىن ءىشىڭىز نەمەسە ىشىڭىزگە جىلىتقىش، بولماسا سۋىق زات قويساڭىز جاقسى كومەكتەسەدى.

- سونداي-اق، ىقىلىقتى رەفلەكتورلىق جولمەن توقتاتۋعا بولادى. ول ءۇشىن قۇسۋدى تۋدىراتىنداي ەتىپ، ساۋساقتى جۇتقىنشاق قابىرعاسىنا سالىڭىز. بۇل ىقىلىق ىرعاعىن توقتاتۋعا كومەكتەسەدى.

- باي جانە تانىمال ادامداردىڭ دا وسى تىتىركەندىرگىش جانە مازانى قاشىراتىن قۇبىلىستى توقتاتۋدىڭ ءوز قۇپيالارى بار ەدى. مىسالى، پرەزيدەنت كەننەديدىڭ جەكە دارىگەرى اۋىزدى كەڭىنەن اشىپ، ءتىلدى ساۋساقپەن ۇستاپ ءسال سوزىپ، ءدال سولاي بىرنەشە سەكۋند ۇستاپ تۇرۋدى ەڭ ءتيىمدى ءادىس دەپ قارادى. پرەزيدەنت دارىگەرى بۇل سەنىمدى جانە تەز ارەكەت ەتەتىن ءادىس ەكەندىگىنە سەنىمدى بولعان.

سوڭعى جاڭالىقتار