15:15, 14 - قاڭتار 2019 | GMT +6
الماتىدا تەررورلىق اكتىلەر جاساماق بولعان توپ مۇشەلەرى ۇستالدى
استانا. قازاقپارات -10 - قاڭتاردا الماتى قالاسىندا ۇلتتىق قاۋىپسىزدىك كوميتەتى وتكىزگەن ارنايى وپەراتسيا ناتيجەسىندە تەرروريستىك اكتىلەر جاساۋعا دايىندالعان دەگەن كۇدىكپەن ورتا ازيا ەلدەرىنىڭ ازاماتتارىنان قۇرالعان توپ مۇشەلەرى ۇستالدى،
دەپ حابارلايدى قازاقپارات ق ر ۇ ق ك باسپا ءسوز قىزمەتىنە سىلتەمە جاساپ.
«كۇدىكتىلەردىڭ ۋاقىتشا تۇرىپ جاتقان مەكەنجايلارىن ءتىنتۋ كەزىندە ولاردان وتە قۋاتتى جارىلعىش زاتتار ازىرلەۋگە ارنالعان كوپ مولشەردەگى كومپونەنتتەر، سونداي- اق قارۋ- جاراق پەن وق- دارىلەر تاركىلەندى»، - دەلىنگەن حابارلامادا.
تەرگەۋ بولجامىنا سايكەس، ۇستالعان تۇلعالار شەتەلدەگى دايش سودىرلارىنىڭ تاپسىرماسى مەن ولاردىڭ باسشىلىلىعىمەن ارەكەت ەتكەن.
«ولار جارىلعىش زاتتار مەن اتىس قارۋلارىن قولدانۋ ارقىلى الماتى قالاسىندا حالىق كوپ شوعىرلاناتىن ورىنداردا شابۋىل جاساۋعا نيەت ەتكەن»، - دەلىنگەن حابارلامادا.
كوميتەتتىڭ باسپا ءسوز قىزمەتىنىڭ مالىمەتىنشە، قازىر تەرگەۋ امالدارى جالعاسۋدا.