شىعىس قازاقستانداعى ورماندار جىلدان جىلعا قارتايىپ بارادى

None
None
استانا. قازاقپارات - شىعىس قازاقستان وبلىسى اعاش ونىمدەرىنىڭ ەكسپورتىن ارتتىرماق، دەپ حابارلايدى «حابار 24».

وسكەمەندەگى اعاش جوڭقالى تاقتايلار شىعاراتىن زاۋىت قازىردىڭ وزىندە ورتا ازياداعى بىرنەشە مەملەكەتپەن ساۋدا- ساتتىق ورناتقان.

مامانداردىڭ ايتۋىنشا، ورماندى ولكەنىڭ الەۋەتى زور. تەك سول مۇمكىندىك تولىعىمەن پايدالانىلماي كەلەدى. ولكەدە جالپى 800 تەكشە مەتر اعاش وڭدەۋگە بولادى، ال قازىرگى كورسەتكىش بۇدان 20 ەسە از. مۇنىڭ سىرتىندا ايماقتاعى جاسىل جەلەكتەر دە جىلدان جىلعا قارتايىپ، ورماندار قۋراپ بارادى. قايىڭدار مەن كوكتەرەكتەردىڭ 95 پايىزى 40 جىلدان اسىپ كەتكەن. ولار تەك وتىنعا عانا جارامدى.

 ريفات يلياسوۆ، ورمان شارۋاشىلىعى م م ديرەكتورىنىڭ ورىنباسارى:

- ءبىز قازىر ورمان قورىنىڭ ەسەبىن جۇرگىزىپ جاتىرمىز. بىزدە جەتىلگەن جانە ابدەن قۋراعان وسكىندەر 2 ميلليون 600 مىڭ تەكشە مەتردى قۇراپ وتىر. سونىڭ ىشىنەدە قۋراپ تۇرعان وسىمدىكتەر جارتى ميلليوننان اسادى. بۇل ورماننىڭ قارتايىپ بارا جاتقانىن بىلدىرەدى، ياعني ونى قارقىندى وڭدەۋ جۇمىستارىن قولعا الۋ كەرەك.

وسكەمەندىك كاسىپكەرلەر قازىر كارى كوكتەرەكتەردى كاسىپ كوزىنە اينالدىرا باستادى. بۇل زاۋىتتا وندىرىسكە جارامسىز ورمان اعاشتارىنان جىلىنا 16 مىڭ تەكشە مەتر اعاش- جوڭقالى تاقتايلار وندىرىلەدى. دايىن ءونىمنىڭ 30 پايىزى كاسىپ يەسى قىرعىزستان، تاجىكستان، وزبەكستان ەلدەرىنە وتكىزىپ وتىر.

ۆيكتور ۆوروبيەۆ، اعاش وڭدەۋ زاۋىتىنىڭ ديرەكتورى:

- ءبىزدىڭ ءوندىرىس ورنىنىڭ ەرەكشەلىگى سول، مۇلدەم ەشتەڭەگە جارامسىز اعاشتاردى عانا قولدانامىز. كاسىبىمىز جاندانىپ كەلەدى. ۇجىمدا 130 ادام ەڭبەك ەتىپ ءجۇر.

بۇگىندە ايماقتا ورمان اعاشتارىن وڭدەۋگە باعىتتالعان 57 شاعىن كاسىپورىن عانا بار. الايدا بۇل ورمانعا باي ولكە ءۇشىن تىم از.

ارمان ەسەنتايەۆ، وبلىستىق تابيعي رەسۋرستاردى پايدالانۋ باسقارماسى باسشىسىنىڭ ورىنباسارى:

 - بىزدە اعاش وڭدەۋمەن اينالىساتىن كاسىپورىندار جوق ەمەس بار، ءبىراق ايتارلىقتاي دەڭگەيدە ەمەس. قىتايدىڭ جيھاز جاساۋ كومپانيالارى بىزدە وسى ءوندىرىستى وركەندەتۋگە قىزىعۋشىلىق تانىتىپ وتىر. ءتىپتى فابريكا سالۋ تۋرالى دا ويلارى بار. اعاش وڭدەيتىن ءىرى ءوندىرىس ورنى ىسكە قوسىلسا، ورمان دا جاڭارا تۇسپەك. ماسەلەن، كاسىپكەر 1 گەكتار جەردەگى اعاشتى كەسىپ العانى ءۇشىن ەكى ەسە ارتىق كوشەت وتىرعىزۋ ءتيىس.

www.24.kz

سوڭعى جاڭالىقتار