+7 (701) 759 90 19 Лента
-16 °С : استانا
-2 °С : الماتى
USD 378.78 EUR 430.71
RUB 5.71 CNY 55.74
جاڭالىقتار

نوبەل سىيلىعىنىڭ يەگەرى ناسىلشىلدىك ءۇشىن اتاعىنان ايىرىلدى

14 قاڭتار 13:51 284
:ءبولىسۋ
نوبەل سىيلىعىنىڭ يەگەرى ناسىلشىلدىك ءۇشىن اتاعىنان ايىرىلدى

 استانا. قازاقپارات - د ن ق قۇرىلىمىن تۇڭعىش بولىپ اشىپ، نوبەل سىيلىعىن العان دجەيمس ۋوتسون كەزىندە ءوزى باسقارعان كولد- سپرينگ- حاربور زەرتحاناسى بەرگەن اتاقتاردان ايىرىلدى، دەپ حابارلايدى Tengrinews.kz.

بۇعان عالىمنىڭ دەرەكتى فيلمدەگى مالىمدەمەسى سەبەپ بولعان. سۇحباتىندا ول ءتۇرلى ناسىلدىلەردىڭ زياتكەرلىك مۇمكىنشىلىكتەرى تەڭ ەمەس دەگەن تۇجىرىم جاسايدى. مالىمدەمە زەرتحانانىڭ سايتىندا جاريالاندى. دجەيمس ۋوتسون نوبەل سىيلىعىن 1962 -جىلى ەكى سپيرال تۇرىندەگى د ن ق قۇرىلىمىن اشقانى ءۇشىن العان. كارەراسىنىڭ باسىم بولىگىن ول نيۋ- يورك ماڭىنداعى كولد- سپرينگ- حاربور جەكە زەرتتەۋ ينستيتۋتىنداعى زەرتحانادا وتكىزگەن.

 قازىرگى ۋاقىتتا زەرتحانا شتاتىندا 400-دەي قىزمەتكەر بار. مۇندا نوبەل سىيلىعىن العان توعىز عالىم جۇمىس ىستەگەن. ۋوتسون 1968 -جىلى زەرتحانا ديرەكتورى بولعان، 1994 -جىلى پرەزيدەنتى بولىپ، كەيىن 2004 -جىلى قۇرمەتتى جەتەكشى اتانعان. الايدا 2007 -جىلى ۋوتسوننىڭ مالىمدەمەلەرى ارىپتەستەرىنىڭ نارازىلىعىن تۋعىزىپ، سالدارىنان ول جۇمىسىنان ايىرىلعان ەدى.

سول ۋاقىتتا ول سۇحباتىندا ەۋرو پەويد جانە نەگرويد ناسىلدەرىن زياتكەرلىك ورتاشا مۇمكىنشىلىكتەرى تەڭ ەمەس دەگەن مالىمدەمە جاساعان. وسى ايدا شىققان دەرەكتى فيلمدە ۋوتسون كوزقاراسى 2007 -جىلدان بەرى ايتارلىقتاي وزگەرمەگەنىن مالىمدەگەن. ول ءالى دە ەۋروپالىقتار مەن قارا ناسىلدىلەردىڭ IQ- سىناق ارقىلى باعالاناتىن گەنەتيكالىق اقىل- وي مۇمكىندىكتەرى ايتارلىقتاي ءارقيلى بولىپ كەلەتىنىن ايتقان. ونىڭ بۇل مالىمدەمەلەرىنە زەرتحانا قىزمەتكەرلەرى مالىمدەمە جاساپ، وندا ۋوتسوننىڭ كوزقاراستارىن «عىلىمدا دالەلدەنبەگەن»، «سوگۋگە لايىق» دەپ اتايدى.

 وسىلايشا زەرتحانا ۋوتسوندى ەڭبەگى سىڭگەن جەتەكشى، وليۆەر گرەيس اتىنداعى ەڭبەگى سىڭگەن پروفەسسور، سونداي- اق قۇرمەتتى قامقورشى اتاقتارىنان ايىردى.


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
مۇراعات