+7 (701) 759 90 19 Лента
-16 °С : استانا
-2 °С : الماتى
USD 378.78 EUR 430.71
RUB 5.71 CNY 55.74
جاڭالىقتار

دەنيستىڭ ولىمىنە كۇدىكتى قياسوۆ سپورتشىعا قالاي پىشاق سۇققانىن ايتتى

14 قاڭتار 13:17 339
:ءبولىسۋ
دەنيستىڭ ولىمىنە كۇدىكتى قياسوۆ سپورتشىعا قالاي پىشاق سۇققانىن ايتتى

استانا. قازاقپارات - الماتىدا دەنيس تەننىڭ ولىمىنە قاتىستى سوت وتىرىسىندا ءۇشىنشى كۇدىكتى نۇرالى قياسوۆ جاۋاپ بەردى.

ول تانىمال سپورتشى قازا بولعان قايعىلى وقيعانىڭ قالاي بولعانىن تولىعىمەن باياندادى. الدىڭعى تىڭدالىمدا ول دەنساۋلىعىنا بايلانىستى ءسوز سويلەۋدەن باس تارتقان بولاتىن دەپ حابارلايدى NUR. KZ.

نۇرالى قياسوۆ تانىمال سپورتشىعا پىشاقتى ءوزى سۇققانىن مويىندادى. كۇدىكتى دەنيس تەننىڭ قالاي ولتىرىلگەنىن اشىپ ايتتى.

«مەن ءوز كىنامدى مويىندايمىن. ءبىراق ايتقىم كەلگەنى، بىزدە وعان قاتىستى الدىن الا ءسوز بايلاسۋ مەن جوسپار دەگەن مۇلدە بولعان جوق. ۇرلىققا باردىق نەگىزى، ادام ولتىرۋگە ەمەس. 18- شىلدە كۇنى ۇيدە بولدىم.

تاڭەرتەڭ قىزىم كەلىپ، ەكىقابات ەكەنىن ايتتى. ول الاتاۋ اۋدانىنىڭ ءتارتىپ ساقشىلارىمەن بىرگە كەلگەن. ارمان ەكەۋمىزدى پوليتسيا باسقارماسىنا الىپ كەتتى.

ون ەكىدەن كەيىن شىقتىق ول جەردەن. سوسىن مەن كىشكەنە تاكسي بولىپ، ادام تاسىمالدادىم. ۇيگە ساعات بەستەردە ورالدىم.

ۇيدە اعام، جەڭگەم، ءىنىم، ارمان جانە جانار بولدى. كەشكى التىلاردا جانار مونشاعا كەتتى. مەن اقشادان قينالىپ، ارماننان سۇرادىم. ول اقشا جوق ەكەنىن جەتكىزدى.

قاراجات مانزۋرانىڭ (نۇرالىنىڭ قىزى - رەد.) دارىسىنە جانە ونىڭ پاتەرىن تولەپ بەرۋگە كەرەك بولدى.

ارمان ەكەۋمىز تاعى «تاكسوۆات» ەتتىك. جاناردى مونشادان الىپ كەتىپ، ۇشەۋمىز تاماقتانۋعا باردىق. قالا ىشىندە ءدارىحانا ىزدەدىك.

ءبىز ۇل بالا بولعان سوڭ، تۇسىككە ارنالعان ءدارىنى سۇراۋعا ۇيالدىق. سول سەبەپتى ونى جانارعا تاپسىردىق. ءبىراق ءدارىنى رەتسەپتسىز بەرمەيتىنىن بىلدىك.

سوسىن ناۋرىزباي باتىر-مامەتوۆادان پاتەر جالداپ، جاناردى تاستاپ كەتتىك. ءبىز ارى قاراي شارۋالارىمىزبەن كەتتىك. ءۇش-ءتورت مىڭداي اقشا تاپتىق.

تاڭعا جۋىق ۇيگە قايتتىق. ول پاتەردى ارمان ءوزى جالدادى. جانار ءوزىنىڭ قىزى بولعان سوڭ، ولار وڭاشا قالعىسى كەلگەن، - دەپ باياندايدى نۇرالى وقيعانى.

ءارى قاراي ول دەنيس تەن قازا تاپقان قايعىلى جاعدايدىڭ قالاي بولعانىن ايتىپ بەردى.

«19 ى كۇنى ساعات 13:30 نەمەسە 14:00 شاماسىندا وياندىق. قالاعا شىقتىق. مەن قالانى اسا بىلمەيمىن. سول سەبەپتى ماعان جولدى نۇسقاپ وتىردى.

ارمان ماعان ءۇش-ءتورت كولىكتى كورە سالاپ، شارۋانى اق كولىكتەن باستايتىنىمىزدى ايتتى. مەن ءبىزدىڭ كولىكتى قوياتىن تۇراق ىزدەدىم.

كولىكتەن ارمان ەكەۋمىز تۇستىك. ول ماعان باستاپقىدا «قالا بەر» دەگەن. ءبىراق مەن «جارايدى بارا سالايىن»، - دەپ ايتتىم. جانارعا «كولىكتە قال» دەدىك. ول باسىندا كەلىسىپ، كەيىننەن دالاعا شىعىپ كەتتى.

جولدىڭ شەتىندە تۇرعان اق كولىكتى كوردىك. ارمان سومكەنى ماعان بەردى. ول قولىنا قولعاپ كيىپ، جۇرگىزۋشى جاقتاعى اينانى شەشە باستادى.

ادامدار كوبەيىپ كەتكەن سوڭ، ول ەكىنشى اينانى شەشپەي تۇرا تۇردى. مەن جان-جاعىما قاراپ، تەمەكى شەگىپ وتىردىم. ءبىر قاراسام، كولىكتىڭ الدىندا توبەلەس باستالىپ كەتىپتى.

مەن كولىكتىڭ ارتىنان ەسەپتەگەندە جەتى مەتردەي قاشىقتىقتا بولدىم. مەن ارماننىڭ ەكىنشى تەرەزەنى شەشىپ جاتقانىن كورمەدىم.

مەن دەنيستىڭ كەلگەنىن اڭعارماي قالدىم. بىردەن توبەلەس باستالىپ كەتكەن ساتتە ءبىر-اق كوردىم.

سوسىن ارماننىڭ سپورت اۋلاسىنا قاراي قاشىپ بارا جاتقانىن بايقادىم. ءبىرىنشى رەت دەنيس ونى تراتۋاردا ۇستاپ الدى، ەكىنشى رەت ونى سپورت اۋلاسىندا قۋىپ جەتتى.

مەن ولاردىڭ ارتىنان جۇگىرىپ بارعان جوقپىن. ارمان قاشىپ كەتەر دەپ، تراتۋاردا وتىرا بەردىم. جاي جاقىنداي باستادىم، ول كەزدە ارمان بەلدىكپەن ۇرىپ جاتقان.

مەن تەرگەۋ بارىسىندا پىشاقپەن ويناپ وتىرعانىمدى ايتپادىم. سەبەبى، مەن ونداي ارەكەت جاساعان جوقپىن. بۇل - جالعان مالىمەت.

سومكەدە اينانى شەشۋ ءۇشىن قاجەت پىشاق جانە تاعى بىرنەشە قۇرال-سايمان بولدى. ءبىر قاراعانىمدا ارمان تورعا تاقالىپ، قۇلاپ بارا جاتقانىن كوردىم.

سول كەزدە مەن سومكەدەن پىشاقتى الىپ، ولارعا قاراي بەتتەدىم. دەنيستىڭ ارتىنان كەلىپ، قولىنان تارتتىم. ول ماعان قارادى. مەنىڭ قولىمدا پىشاق بولدى.

ول پىشاقتى كورىپ شوشىپ كەتەر دەپ ويلادىم. ءبىراق ول قورىقپادى. مەن پىشاقتىڭ قالاي كىرىپ كەتكەنىن تۇسىنبەي دە، اڭعارماي دا قالدىم.

ارتقى جاقتان وڭ جاعىنان كەلدىم، سول كەزدە پىشاق كىرىپ كەتتى. سوسىن مەن بىردەن ارمانعا قارادىم. ول تۇرىپ، ەكەۋمىز وقيعا ورنىنان قاشىپ كەتتىك.

ءبىز تالدارعا قاراي باعىت الدىق. ارتىنان مەن پىشاقتى لاقتىرىپ جىبەردىم. ءوز كولىگىمىزگە جەتكەن سوڭ، ءبىز جاناردى الىپ كەتتىك.

سايرانعا كەلگەن سوڭ، ءبىز بەتى-قولىمىزدى جۋدىق. ارامىزدا «ولمەيتىن شىعار» دەگەن اڭگىمە بولدى.

سوسىن مەن ءۇي جاققا باردىم. اعام قاتتى اشۋلى بولىپ وتىر ەكەن، مەن ودان تاياق جەدىم. سول كۇنى ساعات كەشكى ون شاماسىندا مەنى پوليتسيا قىزمەتكەرلەرى تۇتقىندادى»، - دەدى قياسوۆ.


باستى سوزدەر: زاڭ جانە قۇقىق , قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات