قازاقستاندا جويىلىپ كەتكەن قۇلانداردىڭ سانى قالاي كوبەيىپ كەلەدى؟
2009-جىلى الماتى جانە ميۋنحەن زووباقتارى مەن التىنەمەل ۇلتتىق تابيعي پاركى اراسىندا قۇلان پوپۋلياتسياسىن تارالۋ ارەالىندا قالپىنا كەلتىرۋ ءۇشىن ارنايى كەلىسىمگە قول قويىلعان بولاتىن.
«2018-جىلى زووباق پەن قورىق اراسىندا تاعى قوسىمشا كەلىسىمشارت جاسالدى. 11-12- جەلتوقساندا زووباققا قورىقتان بىرنەشە قۇلان جەتكىزىلدى. ولاردىڭ ىشىندە ازداپ قولعا ۇيرەتىلگەنى جانە جابايىسى دا بار. بۇل جانۋارلارمەن الماتىلىقتار دا جاقىنىراق تانىستى»، - دەدى باسپا ءسوز قىزمەتىنەن.
بارلىعى ميۋنحەن زووباعىنان الماتىعا 10 جىل بۇرىن 7-8 قۇلان اكەلىنگەن بولاتىن.
ولار شامامەن ءبىر جىلداي زووباقتا جەرگىلىكتى جەرگە بەيىمدەلۋ پروتسەسىنەن ءوتىپ، قالپىنا كەلدى. جانۋارلار العاشقى تولدەرىن بەرە باستادى. 2010-2016-جىلدار اراسىندا قۇلانداردىڭ تابىنى ەداۋىر وسكەن.
جەرسىندىرۋ پروتسەسىنەن سوڭ جىلقىلار التىنەمەل قورىعىنا جىبەرىلدى.
2018-جىلدىڭ جەلتوقسان ايىندا قورىقتان زووباققا كەزىندە ميۋنحەن اسىپ كەلگەن قۇلانداردىڭ ءوسىپ كەتكەن 3-4 ءتولى قايتادان جەتكىزىلدى.
«بۇل وسى ارادا جۇزدەگەن جىل بۇرىن مەكەندەگەن جانۋار تۋرالى ادامدار بىلسە دەگەن نيەتپەن جاسالادى. بۇل قازاقستان جەرىندە جويىلىپ كەتكەن جانۋاردى قايتا قايتارۋعا قاجەتتى «ماتەريال» دەسەك تە بولادى. 2019-جىلى دا الماتى زووباعىنا بىرنەشە قۇلان جەتكىزىلۋى ءتيىس»، - دەدى زووباقتىڭ باسپا ءسوز قىزمەتىنەن.