ا ق ش كيم چەن ىنمەن سامميتتى ۆەتنامدا وتكىزۋدى ۇسىندى

استانا. قازاقپارات - پرەزيدەنت دونالد ترامپ پەن سولتۇستىك كورەيا باسشىسى كيم چەن ىن اقپان ايىنىڭ ورتا شەنىندە ۆەتنامدا كەزدەسۋى مۇمكىن. بۇل تۋرالى «يوميۋري» گازەتى حابارلادى.

 باسىلىمنىڭ حابارلاۋىنشا، ۆاشينگتون پحەنيانعا وسىنداي ۇسىنىس جاساعان. بۇعان دەيىن ەكىجاقتى سامميت وتكىزۋ ورنى رەتىندە يندونەزيا، موڭعوليا جانە كورەيا تۇبەگىندەگى قارۋسىزداندىرىلعان ايماق تا ءسوز بولعان.

ەسكە سالا كەتەيىك، بىلتىر ماۋسىم ايىندا سينگاپۋردە ا ق ش پەن سولتۇستىك كورەيا باسشىلارىنىڭ العاشقى كەزدەسۋى وتكەن. سامميتىڭ ناتيجەسىندە تاراپتار بىرلەسكەن مالىمدەمە جاساپ، پحەنيان يادرولىق قارۋدان باس تارتۋعا، ال ا ق ش بۇل مەملەكەتتىڭ قاۋىپسىزدىگىنە كەپىل بەرۋگە كەلىسكەن ەدى.

www.24.kz