ورتالىق ازيا ەلدەرىنىڭ تەمىرجول باعىتىن يران پورتىمەن بايلانىستىراتىن كونسورتسيۋم قۇرۋ ۇسىنىلدى

سامارقان. قازاقپارات - بەيبىت اتامقۇلوۆ «ءۇندىستان - ورتالىق ازيا» ديالوگى سىرتقى ىستەر مينيسترلەرىنىڭ اۋعانستاننىڭ قاتىسۋىمەن وتكەن العاشقى كەزدەسۋىنە قاتىستى،

 دەپ حابارلايدى قازاقپارات  ق ر س ءى م باسپا ءسوز قىزمەتىنە سىلتەمە جاساپ.

وزبەكستاننىڭ سامارقان قالاسىندا وتكەن شاراعا قازاقستان رەسپۋبليكاسى، اۋعانستان يسلام رەسپۋبليكاسى، ءۇندىستان رەسپۋبليكاسى، قىرعىز رەسپۋبليكاسى، تاجىكستان رەسپۋبليكاسى، تۇرىكمەنستان جانە وزبەكستان رەسپۋبليكاسى سىرتقى ىستەر مينيسترلەرى باس قوستى.

«مەملەكەت باسشىسى نۇرسۇلتان نازاربايەۆ ايماقتاعى ەلدەرمەن تاتۋ كورشىلەستىك جانە وداقتاستىق قاتىناستاردى نىعايتۋعا ۇنەمى نازار اۋدارادى، ال ورتالىق ازيا ەلدەرىنىڭ گەوگرافيالىق جانە مادەني- تاريحي جاقىندىعى، ءداستۇرلى ورناتىلعان وندىرىستىك بايلانىستار، ەكونوميكانىڭ ءبىرتۇتاستىعى ورتالىق ازيا ەلدەرىنىڭ اراسىندا تەرەڭ ينتەگراتسيادان باسقا بالاما قالدىرمايدى»، - دەدى جيىندا ق ر سىرتقى ىستەر ءمينيسترى بەيبىت اتامقۇلوۆ اتاپ ءوتتى.

قازاقستان س ءى م باسشىسى ورتالىق ازيا ەلدەرى مەن ءۇندىستاندى جاقىنداستىرۋعا، سونداي- اق ورتالىق ازيا ەلدەرى ەكونوميكاسىنىڭ وسۋىنە سەرپىن بەرەتىن وتكەن كەزدەسۋدىڭ ماڭىزدىلىعىن اتاپ ءوتتى.

«Astana Hub»  حالىقارالىق IT ستارتاپتار تەحنوپاركى مەن «استانا» حالىقارالىق قارجى ورتالىعىنىڭ مۇمكىندىكتەرىن پايدالانا وتىرىپ، ۇندىستانمەن مەديتسينا، فارماتسيەۆتيكا، جاڭا تەحنولوگيالار جانە قارجى سالاسىنداعى بىرلەسكەن جوبالاردى جۇزەگە اسىرۋ قاجەتتىلىگى اتاپ ءوتىلدى. ايماقتىڭ ترانزيت- كولىكتىك الەۋەتىن ارتتىرۋ ماقساتىندا ورتالىق ازيا - ءۇندىستان باعىتىنداعى جۇكتەردى تاسىمالداۋ ءۇشىن قازاقستان - تۇرىكمەنستان - يران جانە قازاقستان - وزبەكستان - تۇرىكمەنستان - يران تەمىرجول مارشرۋتتارىن چاباحار پورتىمەن بايلانىستىراتىن بارلىق ورتالىق ازيا ەلدەرىنىڭ قاتىسۋىمەن كونسورتسيۋم قۇرۋ يدەياسى ايتىلدى»، - دەلىنگەن حابارلامادا.

ءىس- شارا بارىسىندا ەكونوميكالىق، مادەني- گۋمانيتارلىق ىنتىماقتاستىق، سونداي- اق اۋعانستاننىڭ تۇراقتاندىرۋ جانە ەكونوميكالىق دامۋىنا ىقپال ەتۋ ماسەلەلەرى تالقىلاندى. اتاپ ايتقاندا، ءوزارا ساۋدا- ساتتىقتى بەلسەندەتۋ، ىسكەرلىك اسسوتسياتسيالاردىڭ تىكەلەي بايلانىستارىن كەڭەيتۋ، ورتالىق ازيا ەلدەرىنىڭ ترانزيت جانە كولىك- كوممۋنيكاتسيالىق الەۋەتىن دامىتۋ، حالىقارالىق جانە ايماقتىق كولىك دالىزدەرىن قۇرۋ بويىنشا بىرلەسكەن باستامالاردى العا جىلجىتۋ، ءۇندىستاندىق ينۆەستيتسيالار، يننوۆاتسيالار جانە تەحنولوگيالاردى ورتالىق ازيا ەلدەرىنە تارتۋ ماسەلەلەرى قوزعالدى، ونىڭ ىشىندە ونەركاسىپ، ەنەرگەتيكا، اقپاراتتىق تەحنولوگيالار، فارماتسيەۆتيكا، اۋىل شارۋاشىلىعى جانە ت. ب.

كەزدەسۋ قورىتىندىسى بويىنشا ديالوگقا مۇشە- ەلدەرىنىڭ سىرتقى ىستەر مينيسترلەرى بىرلەسكەن مالىمدەمە قابىلدادى. تاراپتار ءۇندىستان مەن ورتالىق ازيا ەلدەرىنىڭ اراسىنداعى دوستىق قارىم- قاتىناستار مەن ءوزارا ءتيىمدى ىنتىماقتاستىقتىڭ سەرپىندى جانە جەمىستى دامۋىن اتاپ ءوتىپ، ايماقتى قاۋىپسىز، تۇراقتى جانە ورنىقتى دامىتۋ ماقساتىندا ايماقتىق ىنتىماقتاستىقتى، ءوزارا قولداۋدى، وزەكتى ماسەلەلەردى بىرلەسىپ شەشۋدى راستادى.

«ءۇندىستان - ورتالىق ازيا» ديالوگى شەڭبەرىندەگى العاشقى مينيسترلىك كەزدەسۋدى وتكىزۋ تۋرالى ۇسىنىس الدىندا 2012 -جىلدان بەرى وتكىزىلەتىن ساراپشىلار دەڭگەيىندەگى ءبىرقاتار كەزدەسۋلەر بولدى. وسىنداي كەزدەسۋلەردى وتكىزۋ تۋرالى باستامانى ءۇندىستاننىڭ سىرتقى ىستەر مينيسترلىگىمەن بىرلەسە وتىرىپ ءۇندىستاننىڭ حالىقارالىق ىستەر جونىندەگى كەڭەسى
  (Indian Council of World Affairs, ICWA)  ۇسىندى.