+7 (701) 759 90 19 Лента
-16 °С : استانا
-2 °С : الماتى
USD 378.78 EUR 430.71
RUB 5.71 CNY 55.74
جاڭالىقتار

مىسىردا توتەنشە جاعداي رەجىمى تاعى ءۇش ايعا ۇزارتىلدى

14 قاڭتار 09:43 211
:ءبولىسۋ
مىسىردا توتەنشە جاعداي رەجىمى تاعى ءۇش ايعا ۇزارتىلدى

كاير. قازاقپارات - مىسىردا توتەنشە جاعداي رەجىمى تاعى ءۇش ايعا ۇزارتىلدى.

ەل پارلامەنتى جەكسەنبى، 13- قاڭتار كۇنى پرەزيدەنت ابدەل فاتتاح اس-سيسيدىڭ ءتيىستى جارلىعىن بەكىتتى. بۇل تۋرالى زاڭ شىعارۋ ورگانىنىڭ باسپا ءسوز قىزمەتىنە سىلتەمە جاساپ انادولى اگەنتتىگى حابارلادى.

ءمالىم ەتىلگەندەي، مىسىر اراب رەسپۋبليكاسىندا توتەنشە جاعداي جەتىنشى رەت ۇزارتىلىپ وتىر.

كومميۋنيكەگە سايكەس، بيلىكتىڭ شەشىمى ەلدەگى قاۋىپسىزدىك احۋالىمەن بايلانىستى.

مىسىردا توتەنشە جاعداي 2017-جىلى تانتا جانە الەكساندريا قالالارىنداعى شىركەۋلەردە بولعان جارىلىستاردان كەيىن ەنگىزىلدى. دايش (قازاقستاندا جانە وزگە مەملەكەتتەردە تىيىم سالىنعان) تەرروريستىك ۇيىمى ءوز موينىنا العان لاڭكەستىك اكتىلەر سالدارىنان 45 ادام مەرت بولدى، تاعى 125 ءى زارداپ شەكتى.

وقيعالاردان كەيىن پرەزيدەنت اس-سيسي ءۇش اي مەرزىمگە توتەنشە جاعداي رەجىمىن ەنگىزۋ تۋرالى شەشىمىن جاريا ەتتى. مەملەكەت باسشىسىنىڭ ديرەكتيۆاسىندا بۇل رەجىمدى ءۇش ايعا ۇزارتۋ مۇمكىندىگى قاراستىرىلعان بولاتىن.


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
مۇراعات