+7 (701) 759 90 19 Лента
-17 °С : استانا
-2 °С : الماتى
USD 378.14 EUR 429.42
RUB 5.68 CNY 55.56
جاڭالىقتار

قازاقستان س ءى م باسشىسى ورتالىق ازيا سىرتقى ىستەر مينيسترلەرىمەن كەزدەستى

14 قاڭتار 09:13 287
:ءبولىسۋ
قازاقستان س ءى م باسشىسى ورتالىق ازيا سىرتقى ىستەر مينيسترلەرىمەن كەزدەستى

سامارقان. قازاقپارات - 13- قاڭتار كۇنى قازاقستاننىڭ سىرتقى ىستەر ءمينيسترى بەيبىت اتامقۇلوۆ اۋعانستاننىڭ قاتىسۋىمەن وتكەن «ءۇندىستان - ورتالىق ازيا» ديالوگى شەڭبەرىندە ءبىرقاتار ەلدىڭ سىرتقى ساياسات ۆەدومستۆو باسشىلارىمەن كەزدەستى، دەپ حابارلايدى قازاقپارات.

ق ر س ءى م- ءنىڭ باسپا ءسوز قىزمەتىنەن ءمالىم ەتكەندەي، ب. اتامقۇلوۆ الدىمەن وزبەكستاننىڭ سىرتقى ىستەر ءمينيسترى ابدۋلازيز كاميلوۆپەن كەزدەستى. تاراپتار ەكىجاقتى جانە وڭىرلىك ىنتىماقتاستىقتىڭ وزەكتى ماسەلەلەرىن، قازاقستان پرەزيدەنتى نۇرسۇلتان نازاربايەۆ پەن وزبەكستان پرەزيدەنتى شاۆكات ميرزيەەۆتىڭ اراسىندا قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرىن تالقىلادى.

«ءبىزدىڭ مەملەكەت باسشىسى ايماقتىق ىنتىماقتاستىقتى دامىتۋعا ەرەكشە كوڭىل بولەدى. ءبىزدىڭ ەلدەرىمىز ورتالىق ازيانىڭ ينتەگراتسيالىق ۇدەرىستەرىندە ماڭىزدى ءرول اتقارادى. ءبىز وزبەكستانمەن ەكىجاقتى قارىم-قاتىناستى ودان ءارى العا جىلجىتۋ ءۇشىن بارلىق كۇش-جىگەرىمىزدى سالامىز»، - دەدى قازاقستان س ءى م باسشىسى.

ب. اتامقۇلوۆ بۇگىنگى تاڭدا ەكى ەلدىڭ ىسكەرلىك توپتارى ءۇشىن قارجى قىزمەتتەرى، وڭدەۋ جانە ازىق-تۇلىك ونەركاسىبى، سونداي-اق ساندىق يندۋستريا سياقتى جوعارى ءتيىمدى سالالاردا ءوزارا ىنتىماقتاستىقتى ورناتۋ ءۇشىن قولايلى جاعداي جاسالاتىنىن اتاپ ءوتتى.

قازاقستان سىرتقى ىستەر ءمينيسترى وزبەك تاراپىنا وڭىرلىك سيپاتتاعى وزەكتى ماسەلەلەردى تالقىلاۋعا مۇمكىندىك بەرەتىن وسىنداي ديالوگ الاڭىن ۇيىمداستىرعانى ءۇشىن العىسىن ءبىلدىردى.

سۇحباتتاستار 2018-جىلى قازاقستانداعى وزبەكستان جىلىنىڭ تابىستى وتكىزىلۋىن جانە 2019-جىلى وزبەكستانداعى قازاقستان جىلىنىڭ اياسىنداعى ءىس-شارالاردىڭ باستالۋىنا بەلسەندى دايىندىق جونىندە ايتتى.

ب. اتامقۇلوۆ سونداي-اق قىرعىزستاننىڭ سىرتقى ىستەر ءمينيسترى چينگيز ايداربەكوۆپەن كەزدەستى. ونىڭ باارىسىندا ساۋدا-ەكونوميكالىق ىنتىماقتاستىق، سۋ-ەنەرگەتيكالىق سەكتور، ايماقتىق جانە ترانسشەكارالىق ىنتىماقتاستىق، سونداي-اق ەكى مەملەكەت باسشىلارى ن. نازاربايەۆ پەن سوورونباي جەەنبەكوۆ اراسىندا قول جەتكىزىلگەن ۋاعدالاستىقتاردى جۇزەگە اسىرۋعا قاتىستى ءبىرقاتار ماسەلەلەر تالقىلاندى.

باستى نازار ەكونوميكالىق ىنتىماقتاستىققا بەرىلدى. مينيسترلەر ءوزارا ساۋدا-ساتتىقتى ۇلعايتۋعا جانە ونىڭ قۇرىلىمىن ءارتاراپتاندىرۋعا، ەكونوميكانىڭ ءارتۇرلى سالالارىندا بىرلەسكەن ينۆەستيتسيالىق جوبالاردى ىسكە اسىرۋعا باعىتتالعان ءبىرقاتار ءىس-شارالاردىڭ ورىندالۋىنا بايلانىستى ءوزارا نيەت ءبىلدىردى.

حالىقارالىق ساياساتتىڭ وزەكتى ماسەلەلەرى بويىنشا ەكى ەل ۇستانىمدارىنىڭ ۇيلەستىگى مەن ۇقساستىعىن اتاپ وتكەن مينيسترلەر حالىقارالىق ۇيىمدار اياسىنداعى بەلسەندى ىنتىماقتاستىقتى جالعاستىرۋعا نيەت ءبىلدىردى.

وسى كۇنى سونىمەن قاتار ب. اتامقۇلوۆ تۇرىكمەنستان مينيسترلەر كابينەتى ءتوراعاسىنىڭ ورىنباسارى-سىرتقى ىستەر ءمينيسترى راشيد مەرەدوۆپەن كەزدەستى.

كەزدەسۋ بارىسىندا ايماقتىق كۇن تارتىبىندەگى وزەكتى تاقىرىپتار، ساياسي، ساۋدا-ەكونوميكالىق، مادەني-گۋمانيتارلىق سالالارداعى ەكىجاقتى قارىم-قاتىناس ماسەلەلەرى تالقىلاندى.

تاراپتار قازاقستان - تۇرىكمەن ءوزارا ءتيىمدى ىنتىماقتاستىقتىڭ ىلگەرى دامۋىن قاناعاتتانارلىقپەن اتاپ ءوتتى. ساۋدا-ەكونوميكالىق ارىپتەستىكتى كۇشەيتۋ قاجەتتىگىنە ەرەكشە نازار اۋدارىلدى. وسى تۇرعىدا تاراپتار ساۋدا-ەكونوميكالىق، عىلىمي-تەحنيكالىق جانە مادەني ىنتىماقتاستىق جونىندەگى بىرلەسكەن ۇكىمەتارالىق كوميسسياسىنىڭ الداعى كەزەكتى وتىرىسىنىڭ كۇن تارتىبىنە ەنگىزۋ ءۇشىن ۇسىنىلعان ءبىرقاتار وزەكتى ماسەلەلەردى تالقىلادى.

سىرتقى ساياسي ۆەدومستۆولارىنىڭ باسشىلارى ەكى ەلدىڭ مادەني-تاريحي جانە تىلدىك ورتاقتىعى مادەنيەت، ونەر، عىلىم، تۋريزم جانە باسقا دا سالالارداعى ىنتىماقتاستىقتى ودان ءارى كەڭەيتۋگە جاقسى نەگىز بولىپ تابىلاتىنىن كەلىستى. وسىعان بايلانىستى قازاقستاندىق تاراپ تۇرىكمەن تاراپىن تۇرىكمەنستانداعى قازاقستان كۇندەرىن ءساتتى وتكىزۋدە كومەك كورسەتكەنى ءۇشىن العىسىن ءبىلدىردى.

بۇدان بولەك، ب. اتامقۇلوۆتىڭ تاجىكستان سىرتقى ىستەر ءمينيسترى سيرودجيددين مۋحريددينمەن كەزدەسۋىندە قازاقستان - تاجىكستان قاتىناستارىنىڭ جاي-كۇيى مەن پەرسپەكتيۆالارى، سونداي-اق الداعى ءىس-شارالار جوسپارى تالقىلاندى.

تاراپتار ەكى جاقتى ساياسي، ساۋدا- ەكونوميكالىق، مادەني-گۋمانيتارلىق ىنتىماقتاستىقتىڭ جوعارى دەڭگەيىن اتاپ ءوتىپ، وڭىرلىك جانە حالىقارالىق كۇن تارتىبىندەگى وزەكتى ماسەلەلەر بويىنشا پىكىر الماستى.

س. مۋحريددين قازاقستانعا تاجىكستاننىڭ دامۋىنا كورسەتىلىپ جاتقان كومەك پەن قولعابىسقا العىسىن ءبىلدىردى. قازاقستان-تاجىكستان مەملەكەتارالىق قاتىناستار ستراتەگيالىق سەرىكتەستىكتىڭ جوعارى رۋحىنا ساي كەلەتىنى اتالىپ ءوتىلدى.


:ءبولىسۋ

اأتور:

novasa

ونلاين قىزمەتكەرلەر
مۇراعات