ديماش قۇدايبەرگەن حالىقارالىق ءسان اپتالىعىنىڭ اشىلۋ سالتاناتىندا ءان ايتتى

None
None
استانا. قازاقپارات - قازاقستاندىق ءانشى ديماش قۇدايبەرگەن قىتايدا باستالعان حالىقارالىق ءسان اپتالىعىنىڭ اشىلۋىندا ءان ايتتى، دەپ حابارلايدى قازاقپارات.

ديماش ساحنادا «Screaming» جانە «The Crown» اندەرىن ورىندادى. ونىڭ ۆيدەولارىن ءانشى ينستاگرامداعى پاراقشاسىندا جانە ءوزىنىڭ You-tube كانالىندا ورنالاستىردى.

ديماش ساحناعا «سالەم، dears»  دەپ امانداسىپ شىقتى. ارتىنشا، ءسان اپتالىعىنا قاتىساتىن مودەلدەر بىرىنەن سوڭ ءبىرى كورىندى. ءبىر كۇن بۇرىن ديماش ارۋلارمەن ساحناداعى دايىندىعىنان فوتولارمەن بولىسكەن بولاتىن. زالداعى كورەرمەندەر بولسا قازاق انشىسىنە ۇلكەن قولداۋ ءبىلدىرىپ تۇردى. ونىڭ ەسىمى جازىلعان جارىقتاندىرىلاتىن قۇرالداردى ۇستاپ، ۇيالى تەلەفوندارىنا ءتۇسىردى.



ال شارانىڭ باستالۋىندا جاس ءانشى قىزىل كىلەممەن ءجۇرىپ ءوتتى. ۆيدەودا كوپتەگەن جانكۇيەرلەردىڭ «ديماش»، دەپ ايعايلاعان داۋىسى ەستىلەدى. ونىڭ قاۋىپسىزدىگىن جان-جاعىنان قورشاي، كۇزەت قىزمەتىنىڭ بىرنەشە ادامى قامتاماسىز ەتتى.

«بەلدەۋ جانە جول» حالىقارالىق ءسان اپتالىعى - 2019 قىتايدىڭ سيان قالاسىندا وتۋدە.



ەسكە سالايىق، بيىلعى 22- ناۋرىزدا ديماش قۇدايبەرگەن ماسكەۋدەگى كرەمل سارايىندا جەكە كونسەرتىن بەرەدى. بيلەتتەردىڭ ساتىلىمى باستالدى. سونداي-اق بۇعان دەيىن حابارلاعانىمىزداي، ءانشى اقتوبە وبلىسى مەن پەتروپاۆل قالاسىندا دا جەكە كونسەرتىن وتكىزۋى مۇمكىن.

سوڭعى جاڭالىقتار