+7 (701) 759 90 19 Лента
0 °С : استانا
28 °С : الماتى
USD 384.05 EUR 432.79
RUB 5.96 CNY 55.46
جاڭالىقتار

سوتسياليستىك ەڭبەك ەرىنىڭ ۇرپاقتارى وزبەكستانداعى بيۋستتى قازاقستانعا جەتكىزۋگە كومەك سۇرادى

14 قاڭتار 08:11 430
:ءبولىسۋ
سوتسياليستىك ەڭبەك ەرىنىڭ ۇرپاقتارى وزبەكستانداعى بيۋستتى قازاقستانعا جەتكىزۋگە كومەك سۇرادى

اقتوبە. قازاقپارات - سوتسياليستىك ەڭبەك ەرى جاباي باليمانوۆتىڭ ۇرپاقتارى وزبەكستان ەلىندەگى بيۋستتى قازاقستانعا اكەلۋگە كومەك سۇرادى.

سەبەبى، بيۋست ۇرلانىپ، كەيىن اۋىل شەتىندەگى سايدان تابىلعان. قازىر تۋىستارىنىڭ اس ۇيىندە تۇر، دەپ حابارلايدى قازاقپارات ءتىلشىسى.

ەكى مارتە سوتسياليستىك ەڭبەك ەرى اتانعان قازاقستاندىق جاباي باليمانوۆ اقتوبەنىڭ تەمىر اۋدانىندا 1893-جىلى دۇنيەگە كەلگەن. ول 27 جاسىندا تاشكەنت قالاسىنا بارىپ، قونىستاندى. ۇرپاقتارىنىڭ ايتۋىنشا، ەڭبەك ەرى ءوزىنىڭ قونىس اۋدارۋ سەبەبىن ەشكىمگە ايتپاعان ءارى تۋعان جەرىن اڭساپ وتكەن. شىن اتى - قايىرجان. ءۇش ۇل، ءبىر قىز تاربيەلەدى. جاباي باليمانوۆتىڭ ۇرپاقتارى وزبەكستاندا 2018-جىلعا دەيىن تۇرىپ، كەيىن ءبارى قازاقستانعا قونىس اۋداردى.

جاباي باليمانوۆتىڭ بيۋستى دە سول كەزدە جوعالعان.

«وزبەكستانداعى ءبىز تۇرعان اۋىلدا اتامىزدىڭ بيۋستى بولدى. وتكەن جىلى ونىڭ جوعالىپ كەتكەنىن ەستىپ، ىزدەپ بارعان ەدىك. جوعالىپ كەتكەن سوڭ ونى اۋىلداعى مەكتەپ مۇعالىمى سايدان تاۋىپ العان. كەيىن قۇدامىزدىڭ اس ۇيىنە اپارىپ قويعان. قازىر دە سول جەردە تۇر. پوليتسيا قىلمىستىق ءىس تە قوزعاماپتى. اۋىل اكىمشىلىگى الداعى ۋاقىتتا بيۋستتىڭ تۇعىرىن قايتا قالاپ، بيۋستتى ورنىنا قويامىز دەپ ۋادە بەردى. ءبىراق ءبىز ونى قازاقستانعا، اقتوبەنىڭ تەمىر اۋدانىنا اكەلگىمىز كەلەدى. ءبىز وزبەكستان پرەزيدەنتىنە بيۋستتى بىزگە بەرۋگە ءوتىنىش بەردىك. قازاقستان ۇكىمەتىنە دە پورتال ارقىلى حات جازىلدى»، - دەدى جاباي باليمانوۆتىڭ كەلىنى اقزاۋرە دارىبايەۆا.

ايتا كەتەيىك، جاباي باليمانوۆ قاراكول قويىن ءوسىرىپ، 1951,1958-جىلدارى سوتسياليستىك ەڭبەك ەرى اتاعىن الدى. وزبەك س س ر- ءنىڭ جوعارعى كەڭەسىنىڭ ءتورتىنشى، بەسىنشى شاقىرىلىمدارىنىڭ دەپۋتاتى، ءۇش مارتە «لەنين»، ەڭبەك قىزىل تۋ وردەندەرىمەن ماراپاتتالدى. سونىمەن قاتار، جوعارى اۋىل شارۋاشىلىعى كورمەسىنە قاتىسىپ، التى مەدال الدى. ونىڭ ۇشەۋى التىن. ءارى تاشكەنت پەن بۇحارادا كوشە اتاۋلارى، ءوزى ەڭبەك ەتكەن اقتاۋ اۋىلىندا مەكتەپكە ەسىمى بەرىلدى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات