قازاقستان مەن وزبەكستاننىڭ سىرتقى ىستەر مينيسترلەرى كەزدەستى

سامارقاند. قازاقپارات - اۋعانستاننىڭ قاتىسۋىمەن وتكەن «ءۇندىستان - ورتالىق ازيا» ديالوگى مينيسترلەردىڭ ءبىرىنشى كەزدەسۋى اياسىندا قازاقستان مەن وزبەكستان سىرتقى ىستەر مينيسترلەرىنىڭ كەزدەسۋى ءوتتى، دەپ حابارلايدى قازاقپاراتتىڭ وزبەكستانداعى مەنشىكتى ءتىلشىسى.

ءو ر سىرتقى ساياسي ۆەدومستۆوسى باسپا ءسوز قىزمەتىنىڭ دەرەگى بويىنشا، مينيسترلەر بىلتىر قازاقستان مەن وزبەكستان پرەزيدەنتتەرىنىڭ استانادا، سامارقاندتا جانە سارىاعاشتا، سونداي-اق حالىقارالىق ۇيىمداردىڭ «الاڭىندا» وتكىزگەن كەزدەسۋلەرى قازاقستان-وزبەكستان قارىم-قاتىناسىنا جاڭا سەرپىن بەرگەنىن اتاپ ءوتتى.

2018- جىلى ۇكىمەتارالىق كوميسسيا، ىسكەرلىك كەڭەسى وتىرىستارىندا، ءبىرىنشى ايماقارالىق ىنتىماقتاستىق فورۋمىندا جانە باسقا دا ماڭىزدى بىرلەسكەن ءىس-شارالاردا وتكەن كەزدەسۋلەر ەكىجاقتى ىنتىماقتاستىقتى نىعايتۋعا مۇمكىندىك بەرگەن. سونداي-اق، ءو ر س ءى م- دە وزبەكستان مەن قازاقستاننىڭ ساۋدا-ەكونوميكا، ينۆەستيتسيالار، كولىك-كوممۋنيكاتسيالار سالالارىنداعى ءوزارا ارەكەتتەستىكتى كەڭەيتۋ ءۇشىن ماڭىزدى الەۋەتكە يە ەكەنىن اتاپ ءوتتى. بۇعان بىلتىر 11 ايدا ءوزارا ساۋدا-ساتتىق كولەمىنىڭ %38 عا ارتىپ، 2,6 ميلليارد دوللاردان اسقانى دالەل بولا الادى.

بۇدان بولەك، كەلىسسوزدەردە جاقىن ارادا تاشكەنتتە وتەتىن ورتالىق ازيا مەملەكەت باسشىلارىنىڭ كونسۋلتاتيۆتىك كەزدەسۋى مەن وعان قازاقستان دەلەگاتسياسىنىڭ قاتىسۋى تۋرالى ايتىلدى.

تاراپتار تۇراقتىلىق پەن تۇراقتى دامۋدى قامتاماسىز ەتۋگە باعىتتالعان ەكىجاقتى جانە ايماقتىق ماسەلەلەر، تۋريزم، مادەني-گۋمانيتارلىق سالالارداعى ىنتىماقتاستىقتى ودان ءارى تەرەڭدەتۋ ماسەلەلەرىن تالقىلادى.

مينيسترلەر قازاقستانداعى وزبەكستان جىلىن قورىتىندىلاپ، 2019-جىلى وزبەكستانداعى قازاقستان جىلىنا دايىندىق تۋرالى پىكىر الماستى.