+7 (701) 759 90 19 Лента
10 °С : استانا
19 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

قازاقستاننىڭ ەڭبەك ەرى وزىنە بەرىلگەن كولىكتى مۇگەدەك بالالارعا سىيلادى

14 قاڭتار 07:22 447
:ءبولىسۋ
قازاقستاننىڭ ەڭبەك ەرى وزىنە بەرىلگەن كولىكتى مۇگەدەك بالالارعا سىيلادى

اقتوبە. قازاقپارات - اقتوبەدە «ءبىز بىرگەمىز!» اتتى مۇمكىندىگى شەكتەۋلى ادامداردى قولداۋعا ارنالعان شارا ءوتتى.

ەلباسىنىڭ قولىنان قازاقستاننىڭ ەڭبەك ەرى اتاعىن العان قۇرالاي بايمەنوۆا وزىنە ارنايى جاساقتالىپ بەرىلگەن كولىكتى سول جەردە مۇگەدەك بالالاردىڭ بىرلەستىگىنە سىيلادى، دەپ حابارلايدى قازاقپارات ءتىلشىسى.

«ءبىز بىرگەمىز!» اتتى ءداستۇرلى شارا اياسىندا مۇمكىندىگى شەكتەۋلى جانداردىڭ قولونەر بۇيىمدارى كورمەگە قويىلىپ، ولار جۇمىس ىستەيتىن سەح، كاسىپورىن تاۋارلارى كوپشىلىككە تانىستىرىلدى.

«ءومىر- كۇرەس. وسى ومىرگە كەلگەن سوڭ ەشتەڭەگە مويىماي كۇرەسۋ كەرەك، ءومىر ءسۇرۋ كەرەك. ەگەر ادام الدىنا مىندەت قويىپ، العا ۇمتىلسا، ەڭبەكتەنسە، وندا ول مىندەتتى تۇردە ارمانىنا قول جەتكىزەدى. ارينە، جاقىنداردىڭ، تۋىستاردىڭ، دوستاردىڭ قولداۋى قاجەت. اقتوبەلىك مۇمكىندىگى شەكتەۋلى جاندار قۇرالاي بازارباي قىزىنىڭ جۇمىسىنىڭ ارقاسىندا زور قولداۋعا يە. سونىڭ ناتيجەسىندە مۇگەدەكتىگى بار مىڭداعان ادام ومىردە ءوز ورنىن تاۋىپ، وتباسىن قۇردى، كوبىنىڭ ەندىگى نەمەرەلەرى بار. باستىسى - ولار تۇيىقتالىپ قالماي، جۇمىس ىستەپ جاتىر جانە قوعامعا پايدا اكەلۋدە. ءبىز، اقتوبەلىكتەر، ەلباسىنا ءبىزدى قولداپ، جەرلەسىمىزگە قازاقستانداعى ەڭ قۇرمەتتى اتاقتى بەرگەنى ءۇشىن العىس ايتامىز. بۇل ءبىزدىڭ پرەزيدەنت ساياساتىنىڭ الەۋمەتتىك سيپاتىن تاعى ءبىر دالەلدەيدى»، - دەدى وبلىس اكىمى بەردىبەك ساپاربايەۆ.


قازاقستاننىڭ ەڭبەك ەرى وزىنە بەرىلگەن كولىكتى مۇگەدەك بالالارعا سىيلادى

شارا كەزىندە ءوڭىر باسشىسى «قازاقستاننىڭ ەڭبەك ەرى» اتاعىن يەلەنگەن قۇرالاي بايمەنوۆاعا ارنايى كوتەرگىشتەرمەن جابدىقتالعان اۆتوكولىك كىلتىن تابىس ەتتى. ال قۇرالاي بايمەنوۆا وزىنە بەرىلگەن اۆتوكولىكتى مۇگەدەك بالالاردىڭ «عاجاپ» قوعامدىق بىرلەستىگىنە تارتۋ ەتتى.


قازاقستاننىڭ ەڭبەك ەرى وزىنە بەرىلگەن كولىكتى مۇگەدەك بالالارعا سىيلادى

وبلىس اكىمىنىڭ باسپا ءسوز قىزمەتىنىڭ حابارلاۋىنشا، «جاينا» مۇمكىندىگى شەكتەۋلى بالالارعا ارنالعان وڭالتۋ ورتالىعىنا، قازاق ساڭىراۋلار قوعامىنىڭ وبلىستىق فيليالىنا، قازاق سوقىرلار قوعامىنىڭ اقتوبە وقۋ-ءوندىرىس كاسىپورنىنا، اۋتيزم دەرتىنە شالدىققان بالالارى بار اتا-انالاردىڭ «راستەمكا» وبلىستىق قاۋىمداستىعىنا اكىمدىكتىڭ 1 ميلليون تەڭگەنىڭ سەرتيفيكاتتارى تابىس ەتتى.


قازاقستاننىڭ ەڭبەك ەرى وزىنە بەرىلگەن كولىكتى مۇگەدەك بالالارعا سىيلادى

قوعامدىق ومىردە بەلسەندىلىك تانىتىپ جۇرگەن اقتوبەلىك مۇمكىندىگى شەكتەۋلى جاندارعا، سونىڭ ىشىندە گۇلمەيرام سراجايەۆا، زينايدا تەلەۋشەۆا، ۆيكتوريا كۆاشا، شاحان جولداسبايەۆ، قازاقستان مۇگەدەكتەر كەڭەسىنىڭ ءتوراعاسى ءالي امانبايەۆ، مەملەكەتتىك قايراتكەر ەلەۋسىن ساعىندىقوۆ، پروفەسسورلار سەرىك اقشولاقوۆ پەن جاقسىلىق دوسقاليەۆ، ەڭبەك، الەۋمەتتىك قورعاۋ جانە كوشى-قون كوميتەتى ءتوراعاسىنىڭ ورىنباسارى دامەجان ءسادۋاقاسوۆا، باتىس قازاقستان وبلىسى اكىمىنىڭ كەڭەسشىسى جۇماجان قوجانوۆ ءوز لەبىزدەرىن ءبىلدىردى.


قازاقستاننىڭ ەڭبەك ەرى وزىنە بەرىلگەن كولىكتى مۇگەدەك بالالارعا سىيلادى

اقتوبە وبلىسىندا ۋاقىتىلى الەۋمەتتىك قولداۋعا يە 27 مىڭعا جۋىق مۇگەدەك بار. وتكەن جىلى 12 مىڭنان اسا مۇگەدەك جان تەحنيكالىق، گيگيەنالىق زاتتارمەن، پروتەزدى-ورتوپەديالىق بۇيىمدارمەن جانە شيپاجايمەن قامتىلدى. مەملەكەت مۇمكىندىگى شەكتەۋلى تۇلعالاردى الەۋمەتتىك جاعىنان قولداۋ ءۇشىن بارلىعى 1,8 ميلليارد تەڭگەدەن استام قارجى ءبولدى.


قازاقستاننىڭ ەڭبەك ەرى وزىنە بەرىلگەن كولىكتى مۇگەدەك بالالارعا سىيلادى

وتكەن جىلى وڭىردە «باقىتتى بالا»، «تۋعان جەرگە تاعزىم»، «مەكتەپكە جول»، «تۇلەك.kz»  «اۋىل قامقورشىسى» جانە ت. ب. جوبالار جۇزەگە اسىرىلىپ، سونىڭ اياسىندا 508 مىڭنان اسا وبلىس تۇرعىنىنا شامامەن 6,5 ميلليارد تەڭگە كولەمىندە كومەك كورسەتىلدى. ەلىمىزدە تۇڭعىش رەت «كۇنشۋاق» ساۋىقتىرۋ ينكليۋزيۆتى لاگەرى، 220 ورىندىق «نەكتار» كوررەكتسيالىق بالاباقشاسى، سونىمەن قاتار، بيزنەستىڭ الەۋمەتتىك جاۋاپكەرشىلىگى اياسىندا «اقتوبە مىس كومپانياسى» ج ش س قاراجاتى ەسەبىنەن تۋا ءبىتتى سال اۋرۋىنا شالدىققان بالالاردى وڭالتۋ ورتالىعى، اۋتيزم دەرتىنە شالدىققان بالالارعا «ايالا» ورتالىعى اشىلدى.


قازاقستاننىڭ ەڭبەك ەرى وزىنە بەرىلگەن كولىكتى مۇگەدەك بالالارعا سىيلادى


باستى سوزدەر: مادةنيةت,
:ءبولىسۋ

اأتور:

novasa

ونلاين قىزمەتكەرلەر
مۇراعات